பாடல்கள் பலவிதம்! ”ப்ரணா”

பாடல்கள் பலவிதம்!   ”ப்ரணா

திரை இசைப்பாடல்களில் ஒத்த கருத்து உடைய பாடல்கள் ஏராளம்!  அத்தகைய பாடல்களை பிரபல கவிஞர்கள் தம் நடையில் வித்தியாசமாக எழுதி ரசிகர்களை மகிழ்வித்து கொள்ளை கொண்டிருப்பார்கள்.

பிரபல கவிஞர்கள் திரை இசையின் சிறப்பான கவிஞர்கள் திருமிகு கவிஞர் கண்ணதாசன், கவிஞர் வாலி, கவிஞர் வைரமுத்து தம் தம் காலகட்டங்களில் எழுதிய  ஒருமித்த சிந்தனை தரும் பாடல்களை பிரபல எழுத்தாளரும் கவிஞருமான தஞ்சை ப்ரணா இங்கே தொகுத்து வழங்குகிறார். வாசித்து மகிழுங்கள்!

மாற்றம்!

மாற்றம்!

                                     மலர்மதி    

         காய்கறி விற்கும் பாட்டியிடம் சில காய்களை வாங்கிக் கொண்டு பணத்தை கொடுத்தான் பன்னீர்.

                  மீதி பணத்தை கொடுத்த பாட்டி ஐம்பது ரூபாய் நோட்டு ஒன்றை அதிகமாக கொடுக்க, அவசரமாய் அதை பேண்ட்  பாக்கெட்டில் திணித்துக் கொண்டு வேகமாய்  தான் நிறுத்தியிருந்த பைக்கை நோக்கி நடந்தான். 

         டூ வீலர் பார்க் பண்ணியிருந்த இடத்தில் போலீஸ்!

           “நோ பார்க்கிங்கில் பார்க் பண்ணியிருக்கீங்க, நூறு ரூபாய் ஃபைன் கட்டுங்க!” என்றார் டிராஃபிக் கான்ஸ்டபிள்.

                  அவசரத்தில் பார்க் பண்ணியதை அப்போதுதான் கவனித்தான் பன்னீர். 

         அபராதத்தைக் கட்டிவிட்டு பைக்கில் திரும்பும்போது, “இந்தாங்க பாட்டி ஐம்பது ரூபாய். நீங்க அதிகமா கொடுத்திட்டீங்க!”   என்று திருப்பி கொடுத்து விட்டு வந்தான் பன்னீர். 

அய்யப்பனும் கோஷியும் விமர்சனம்

அய்யப்பனும் கோஷியும் விமர்சனம்

மனிதன் ஒரு மகத்தான சல்லிப்பயல்’ என எழுத்தாளர் ஜி. நாகராஜன் ஒரு வரியில் சொன்னதை மூன்று மணி நேரத் திரைப்படமாகக் கண்முன்னால் விரிய வைத்திருக்கிறார் இயக்குநர் சச்சி. முன்னரே பிரித்வி, பிஜூ மேனன் கூட்டணியில் லட்சத்தீவின் பின்னணியில் அனார்க்கலி என்ற சுவாரஸ்யமான காதல் கதையைச் சொன்ன, ‘ட்ரைவிங் லைசென்ஸ்’ திரைப்படத்திற்குத் திரைக்கதை எழுதிய அதே சச்சிதான் இவர்.

உண்மையில் இது இரண்டு மனிதர்களுக்கு இடையிலான தனிப்பட்ட தன்முனைப்பு சார்ந்த போராட்டம் என்பதுபோல தோன்றினாலும் அதனூடே உண்மையில் அதிகாரம் என்பது எப்படி எந்தெந்த வகையில் யார் யாருக்காகவெல்லாம் வளைந்து கொடுக்கத் தயாராக இருக்கிறது என்பதையும் பூடகமாக உணர்த்திச் செல்கிறது என்பதனால்தான் இந்தத் திரைப்படம் முக்கியமானதாகிறது.

பொதுவாக இந்தத் திரைப்படத்தை கோஷிக்கும் ஐயப்பனுக்கும் இடையில் நடக்கும் தன்முனைப்பு போராட்டமாக மட்டுமே பலரும் அடையாளப்படுத்துகிறார்கள். ஆனால் மூன்றுவிதமான போராட்டங்கள் இந்தப் படத்தின் மூலமாக வெளிப்படுகின்றன. கோஷிக்கும் ஐயப்பனுக்கும் இடையில் நடக்கும் சண்டைதான் பிரதானம் என்றாலும், கோஷிக்கும் கோஷியின் தகப்பனான குரியனுக்கும் இடையில் நடக்கும் போராட்டமும் மிக முக்கியமானது. இந்த இரண்டு போராட்டங்களுக்கும் நடுவில் அதிகார வர்க்கத்திற்கும்அதற்கு வளைந்து போகாத மனிதனுக்கும் இடையில் நடக்கும் போராட்டமும் சொல்லப்பட்டிருக்கிறது.

இராணுவத்தில் பணிபுரிந்து ஓய்வுபெற்ற ஹவில்தார் எனத் தன்னை அறிமுகப்படுத்திக் கொள்ளும் கோஷியினுடைய கதாபாத்திரம் ஊசலாடும் தன்மையோடு படைக்கப்பட்டிருக்கிறது. ஆகவே தனது தந்தை செய்யும் தவறுகளுக்கும் தான் விலை கொடுக்க வேண்டிய நிலை வரும்போது கோஷியின் மனம் தடுமாறுகிறது. அதுவே ஐயப்பனுக்கு எதிரான போராட்டத்தில் ஆங்காங்கே அவனை நிலைகுலைய வைக்கிறது. இறங்கி வர நினைக்கலாமென எண்ணும்போதே சூழல்கள் மீண்டும் கோஷியை நியாயப்படுத்தத் தூண்டுகின்றன.

ஐயப்பனின் கதாபாத்திரம் கொஞ்சம் மங்கலாக இருக்கிறது. ஏனெனில் சில விஷயங்கள் பூடகமாகச் சொல்லப்பட்டு விடுகின்றன. உதாரணமாக ஐயப்பனுக்கு நடந்த திருமணம் குறித்த பின்னணி ஓர் அவசரகதியில் அளிக்கப்பட்டு அள்ளித் தெளிக்கப்பட்டு இருக்கிறது. ஆனால் ஐயப்பன் தான் எடுக்கும் முடிவுகளில் மிகத் தெளிவானவனாகவே இருக்கிறான். தன் பழைய சுபாவங்களிலிருந்து மீண்டு நேர்மையான காவல் அதிகாரியாக வாழ்பவனாக இருக்கிறான் ஐயப்பன்.

இப்படி, கதாபாத்திரங்களின் குணாதிசயங்களின் வரையறைகள் மிகச் சிறப்பாக செய்து இருப்பதாலேயே ஊசலாடும் ஒரு மனநிலை உள்ளவனுக்கும், தெளிவான சிந்தனை கொண்ட ஒரு காவல்துறை அதிகாரிக்குமான மோதல் என்பதுஇருக்கை நுனிவரை நம்மைக் கட்டிப் போட போதுமானதாக இருக்கிறது.

காவல்துறை உதவி ஆய்வாளராக இருக்கும் ஐயப்பனுக்கும் தற்காலிகப் பதவி நீக்கம் செய்யப்பட்ட பின் இருக்கும் ஐயப்பனுக்கும் இடையிலான வேறுபாடுதான் திரைக்கதையின் மையச் சரடு. இந்தச் சரட்டை மிகப் பலமானதாக உருக்குக் கம்பி போல உருவாக்கி இருப்பதால்தான் அதைச் சார்ந்த கிளைச் சம்பவங்களை அடுத்தடுத்துச் சொல்வதென்பது குறிப்பாக அதிகாரவர்க்கம் தனக்கு வேண்டியவர்களுக்கு எப்படி எல்லாம் வளைந்து நெளிந்து கொடுக்கிறது திரைக்கதை ஆசிரியரான சச்சிக்கு இயல்பாகக் கைவந்திருக்கிறது.

அடுத்த 2 ஆண்டுகளில் ஓய்வு பெற இருக்கும் நேர்மையான காவல் அதிகாரியான ஐயப்பன், முதலமைச்சரிடமிருந்து பதக்கம் பெறவிருக்கும் நிலையில், உயர் அதிகாரியின் கட்டளைக்காக வேலை நேரத்தில் செய்த பிழைக்காக தற்காலிகப் பதவி நீக்கம் செய்யப்படுகிறான். ஓர் உதவி காவல் ஆய்வாளரின் நிலை பணத்திமிரும் குடிவெறியும் கொண்ட சராசரி குடிமகன் ஒருவனால் பந்தாடப்படும் போது அதை எதிர்கொள்ள அவன் எப்படி ஆயத்தம் ஆகிறான் என்பதும் இந்தக் கதையின் நோக்கமென்றாலும், இறுதியில் அந்த நேர்மையான அதிகாரிக்கு எதிராக எவன் செயல்பட்டானோ, அவனே இறங்கி வந்து அவன் மூலமாகவே மீண்டும் காவல்துறை அந்த உதவி ஆய்வாளருக்குச் சீருடையைத் திரும்ப அணிய வைக்கும் சூழல்தான் அமைகிறது என்பதுதான் மிகப்பெரிய நகைமுரண். ஆனால் அதுவேதான் இந்தத் தேசத்தின் நிலையும், கூட வசதியும் வாய்ப்புகளும் இருப்பவர்களுக்கு சட்டம் நீதி எல்லாம் பணத்தின் மூலமாக சம்பாதிக்கக்கூடிய ஒன்றாகவே இருக்கிறது என்பதாகவும் கூட இந்தக் கதையை நாம் புரிந்துகொள்ளலாம்.

இந்தப் படத்தின் மிக முக்கியமான விஷயமாக நான் கருதுவது இந்தப் படத்தின் முக்கிய கதாபாத்திரங்களில் தோன்றிய நடிகர்களின் அபாரமான நடிப்பாற்றல்தான். எப்போதுமே நான் வியக்கக்கூடிய ஒரு விஷயமும் கூட. இரண்டு நாயகர்கள் இரண்டு கதாபாத்திரங்கள் இதில் யாருக்கு பலம் அதிகம் என்ற தன்முனைப்பு இல்லாமல் தங்கள் கதாபாத்திரங்களில் தாங்கள் வாழ்ந்து காட்டுவதன் மூலமாக மட்டுமே தங்களது திறமையை வெளிப்படுத்த முடியும் என்ற எண்ணமும் ஆற்றலும் உறுதியும் தன்னம்பிக்கையும் மலையாள நடிகர்களுக்கு இருக்கிறது என்பதால்தான் இதுபோன்ற படங்களும் பாத்திரங்களும் மலையாளத் திரைப்படங்களில் சாத்தியமாகிறது. பிஜு மேனனும் சரி, பிரித்வி ராஜனும் சரி அமர்க்களப்படுத்தி இருக்கிறார்கள். அதிலும் குறிப்பாக பிஜு மேனன் இடைவேளைக்குப் பிறகு மதம் கொண்ட யானையின் சீற்றத்தோடு நடத்தும் அடாவடித்தனங்கள் அத்தனையும் சபாஷ் போட வைக்கின்றன. பிஜு மேனனின் அந்த சுனாமியின் முன் பிரித்வி நீச்சல் போட்டதே பெரிய விசயம்தான்.

ஐயப்பனின் மனைவியிடம் ஏகத்திற்கும் ஏச்சு வாங்கி கூனிக்குறுகி நிற்கும் பொழுதில் ஐயப்பன் கோஷியிடம் வந்து, “வயிறு நெறச்சு கிட்டியோ?” என்று கேட்கும்போது ஒரு அளவுக்குஎன்று பிரித்வி பம்மிப்பதுங்கும் காட்சி கொள்ளை அழகு (இப்படி ஒரு காட்சியில் எந்தத் தமிழ் முன்னணி நடிகரும் நடிக்க ஒப்புக்கொள்வார்களா என்பது வேறொரு கேள்வி). அந்த இடத்தில் கண்ணம்மாவாக நடித்திருக்கும் கௌரி நந்தாவின் வசன உச்சரிப்பும், ஆங்காரம் மிகுந்த உடல் மொழியும் வசனங்களும் வெகு கச்சிதம்.

வழக்கம்போலவே எந்த நடிகரும் சோடை போகவில்லை. குறிப்பாக பிரித்வியின் தந்தையாக வரும் இயக்குனர் ரஞ்சித் ஒரு ஆணாதிக்கவாதியான, பழம்பெருமை பேசக்கூடிய ஆணவ சாதிக்காரனைப் போல தன் பெருமை பேசிக்கொண்டு இருக்கக்கூடிய ஒரு பழைய பூர்ஷ்வாத்தனத்தோடு நடக்கக்கூடிய பெரிய மனிதனின் உடல் மொழியை இயல்பாகக் கடத்தி இருக்கிறார். ஆய்வாளராக வரும் அனில் நெடுமங்காடு, காவலராக வரும் அனு மோகன் ஆகியோரும், பெண்காவலர் ஜெஸ்ஸியாக நடித்திருக்கும் தன்யாவும் தங்கள் பங்குகளைச் சிறப்புற செய்திருக்கிறார்கள்.

படத்தில் இயக்குநரான சச்சியே திரைக்கதையையும் அமைத்திருப்பது மிகப்பெரிய பலமாக அமைந்திருக்கிறது. அதற்கு உற்ற துணையாக ஒளிப்பதிவும் அமைந்திருக்கிறது. அட்டப்பாடியில் இயற்கை வளம் சூழ்ந்த அத்தனை காட்சிகளையும் அழகுற உள்வாங்கியிருக்கிறது சுதீப்பின் கேமரா. கண்ணில் ஒற்றிக் கொள்ளலாம் போல அத்தனை அழகான சட்டகங்கள். குறிப்பாக, ஐயப்பன் ஒரு மரத்தினடியில் இருக்கும் பென்ச்சில் அமர்ந்திருக்கையில் ஓரமாகத் தூளியில் குழந்தை இருக்கும் அந்த ஒற்றைக் காட்சி.

அட்டப்பாடி என்பது ஆதிவாசிகள் பெருமளவில் வசிக்கும் பகுதி. அவர்களது நிலங்களைப் பெருமுதலாளிகள் சுரண்டிக் கொண்டிருக்கிறார்கள். சாராயம் கொடுத்து அவர்களை ஏமாற்றுகிறார்கள் என்பதால் அந்தப் பகுதியில் சாராயம் தடை செய்யப்பட்டதாக இருக்கிறது. என்ற போதும் கூட இந்தப் பகுதியில் ஆதிவாசிகளுக்கு எதிரான வன்கொடுமைகள் தொடர்ந்து நடந்து கொண்டே இருக்கின்றன. சமீபத்தில் கூட ஒரு ஆதிவாசியை மரத்தில் கட்டிவைத்து அடித்தே கொன்ற செய்தியை பார்த்து நாம் பதறி இருக்கிறோம். ஆகவே அட்டப்பாடியின் பின்னணியில் நடக்கக்கூடிய இந்தக் கதையில் அட்டப்பாடி ஆதிவாசிகளின் மலையாளமும் தமிழும் கலந்த ஒரு வினோத மொழியில் அவர்கள் பாடுகின்ற நாட்டுப்புற பாடல்களை மிக அழகாகவும் செய்நேர்த்தியோடும் மிகச் சரியான இடங்களில் புகுத்தி இருப்பதன் மூலம் தனது பின்னணி இசைக்கு புதிய பரிமாணத்தை வழங்கியிருக்கிறார் இசையமைப்பாளர் ஜேக்ஸ் பிஜோய். இதுவரை கேட்டறியாத நஞ்சியம்மை என்ற ஆதிவாசிப் பெண்ணையே அவர் எழுதிய பாட்டை படத்தில் உபயோகப்படுத்தி இருப்பதன் மூலம் மிக முக்கியமான காட்சிகளில் அதன் தரத்தை வேறொரு தளத்திற்கு எடுத்துச் சென்றிருக்கிறார் இயக்குநர். மிகுந்த பாராட்டுக்குரிய செயல் இது.

மலையாள சினிமா ஏன் தனித்துவம் பெறுகிறது என்பதற்கு இத்திரைப்படத்தில் பல காட்சிகள் சான்று பகர்கின்றன. கண்ணம்மா காவல் நிலையத்தில் காவலர்களுடன் பேசுகின்ற காட்சியும் சரி, அதைப்போலவே ஐயப்பனும் கோஷியும் தனியாக வனப்பகுதியில் பேசிக்கொள்ளும் காட்சியும் சரி முற்றிலும் வேறு ஒரு பரிமாணத்தில் இருக்கின்றன. திரைப்படத்தில் பட்டுத்தெறித்தாற் போல் வருகின்ற வசனங்களில் கூர்மை மீண்டும் மீண்டும் நம்மை வியப்புக் கொள்ளவும், அதே நேரத்தில் வென்று வாய் பிளக்கவும் வைக்கின்றன.

மூன்று மணி நேரம் படம் என்பது மட்டுமே மிகப்பெரிய குறை என்று சிலர் அலுத்துக் கொள்கிறார்கள். ஆனால் மூன்று மணி நேரம் இருக்கையிலேயே சுவாரசியம் குறையாமல் நம்மைக் கட்டிப் போடுவது என்பது ஒரு மிகப்பெரிய கலை. ஆனால் படத்தில் ஒரு முக்கியமான குறை இருக்கிறது. உயர் அதிகாரி சொன்னார் என்பதற்காக, காவல் நிலையத்தில் வைத்தே ஐயப்பன் கோஷிக்காக மது ஊற்றிக் கொடுக்கும் போது, அதை கோஷி அவருக்குத் தெரியாமல் வீடியோ எடுக்கிறார். எதிரில் இருப்பவனைப் பற்றித் தெரிந்திருந்தும் ஐயப்பன் அஜாக்கிரதையாக அதைக் கவனிக்காமல் விட்டுவிடுவதுதான் அந்தக் குறை. ஆனால் அது இல்லாவிட்டால் மூன்று மணி நேர சுவாரஸ்யம் இல்லாமல் போயிருக்குமே!?

மசாலாப் படங்கள் என்றால் நான்கு பாடல்கள், ஐந்து சண்டை, பஞ்ச் டயலாக், அதிநாயகத் தன்மைகள் என்று குண்டுச் சட்டியில் குதிரை ஓட்டிக் கொண்டிருக்கும் மசாலா பட இயக்குநர்கள், ஒரு மசாலா படத்தையே எப்படி ரசிக்கும் விதமாக அழகுற மசாலா தூக்கலாக இல்லாமல் மிகச் சிறப்பாகத் தரமுடியும் என்பதை கற்றுக்கொள்ள இந்தத் திரைப்படம் அருமையானதொரு வாய்ப்பு.

ஆசிப் மீரான்

http://ithutamil.com/—————————————————————————————————————-

என் கடன் பணி செய்து கிடப்பதே

என் கடன் பணி செய்து கிடப்பதே

ஜெயச்சந்துரு
நெய்வேலி

நம்பரை சரி பார்த்து டயல் செய்தாள் மதுமிதா..

“ஹலோ..வணக்கம் சார்.. நான் கலெக்டர் ஆபீஸ்ல இருந்து பேசுறேன்.. மிஸ்டர் கனகவேல் அய்யனார்தானே..”

“வணக்கம் மேடம்.. நாந்தான் கனகவேல்.. சொல்லுங்க…”

“சார் வீட்ல தான இருக்கீங்க? உங்களுக்கு ஃபீவர், காஃப், கோல்ட் அந்த மாதிரி சிம்ப்டஸ் ஏதாவது இருக்கா?”

“வீட்லதான் மேடம் இருக்கேன்.. எந்த பிரச்சினையும் இல்ல..நல்லா இருக்கேன்..”

“வீட்ல வேற யாருக்காவது சிம்ப்ட்டம்ஸ் ஏதாவது இருக்கா?”

“யாருக்கும் எந்த சிம்ப்ட்டமும் இல்ல மேடம்..”

“உங்க வீட்டு சுவத்துல ஸ்டிக்கர் ஒட்டி இருக்காங்களா?”

“ஒட்டி இருக்காங்க மேடம்”

“வீட்டுக்கு ஹெல்த் டிபார்ட்மெண்ட்ல இருந்து வந்து பார்க்கறாங்களா?”

“பாக்கறாங்க மேடம்..”

“ஓகே சார்.. உங்களுக்கு வேற ஏதாவது சந்தேகம் இருந்தா ஹெல்ப்லைன் நம்பர் காண்டாக்ட் பண்ணுங்க… தேங்க்யூ..”

“தேங்க்யூ..”

மதுமிதா பார்க்கும் வேலைக்கும் இப்போது பார்த்துக் கொண்டிருக்கும் வேலைக்கும் எந்த சம்பந்தமும் இல்லை. அவசரகால நடவடிக்கையாக அரசு தற்காலிகமாக அவளுக்கு இந்த பணியை ஒதுக்கியிருக்கிறது. நோய்த்தொற்று பாதித்த நாடுகளில் இருந்து நம் நாட்டுக்கு வந்த பயணிகளை, அவர்கள் மூலமாக நம் நாட்டில் தொற்று ஏற்பட்டு விடாமல் தடுப்பதற்காக அவர்களை வீட்டிலேயே இருக்கும்படி பனித்திருக்கிறது.. அவர்களை போன் மூலமாக டிராக் செய்யும் வேலை.. வேண்டாவெறுப்பாக செய்துகொண்டிருந்தாள்..

‘எல்லாம் என் தலையெழுத்து..’ அலுத்தப்படி அடுத்து எண்ணை தொடர்பு கொண்டாள்.. அதே கேள்விகள் அதே பதில்கள்..

அடுத்த எண்

அடுத்த எண்

அடுத்த எண்

போரடித்தது.. டீ குடித்தால் தேவலாம் போல இருந்தது.. போய் வந்தாள்..

அடுத்த எண்

ரிங் முடியும் தருவாயில் எடுக்கப்பட்டது..

“ஹலோ..வணக்கம் சார்.. நான் கலெக்டர் ஆபீஸ்ல இருந்து பேசுறேன்.. மிஸ்டர் பாலகுரு கந்தசாமிதானே?”

“ஹலோ.. க்கும்.. க்கும்.. ஹலோ.. யாரு?”

வண்டியில் போகும் சத்தம் கேட்டது..

“கலெக்டர் ஆஃபீஸில இருந்து..”

லொக்.. சொல்லுங்க.. லொக் லொக் ..

“சார் நீங்க இப்ப வீட்டுல தான் இருக்கணும்.. ஆனா வெளில எங்கயோ போற மாதிரி தெரியுது??”

“க்கும்.. ம்க்கும்.. ஆமாங்க.. லொக் லொக்.. மாமா செத்துட்டார்.. அங்கதான் போய்கிட்டு இருக்கேன்..”

“சார் உங்களுக்கு காஃப் இருக்கு.. இந்த நேரத்துல எங்கேயும் வெளியே போக கூடாது.. தயவு செஞ்சு வீட்டுக்கு போங்க”

தொடர்ச்சியான இருமலுக்கு பிறகு, “இங்க சிக்னல் வீக்கா இருக்கு.. ஒண்ணுமே கேக்கல.. நீங்க அப்புறமா பேசுங்க..” வைத்துவிட்டான்.

உடனே டீம் லீடரிம் சென்று விபரம் தெரிவித்து தன் இடத்திற்குத் திரும்பினாள்.. பதட்டமாக இருந்தது.. அன்றைய வேலையை முடித்துவிட்டு வீடு திரும்பினாள்

அடுத்த நாள் ஆபிசுக்குள் நுழையும்போதே டீம்லீடர் ஓடிவந்து கைகுலுக்கினார்.. மற்றவர்களும் கை கொடுத்துப் பாராட்டினார்கள்..

“நேத்து நீங்க கொடுத்த இன்ஃபர்மேஷன வெச்சி அங்க இருக்குற நம்ம டீம்க்கு இன்ஃபார்ம் பண்ணி அவன வழியிலேயே புடிச்சாச்சு.. ஹாஸ்பிடல் கொண்டு போயிட்டு டெஸ்ட் பண்ணதுல அவனுக்கு இன்ஃபெக்ஷன் பாசிட்டிவ்.. அவன் மட்டும் அங்க போயிருந்தா அவனால எத்தனை பேருக்கு பரவி இருக்கும்னே சொல்ல முடியாது.. உன்னால ஒரு மிகப்பெரிய கம்யூனிட்டி ஸ்ப்ரெட் தடுக்கப்பட்டுருக்கு.. வாழ்த்துக்கள்மா..”

பெருமையாக இருந்தது.. தான் செய்த வேலையின் பலன் அவளுக்கு இப்போதுதான் புரிந்தது.. புத்துணர்ச்சியோடு அடுத்த எண்ணை சரிபார்த்து டயல் செய்தாள்…

ஹலோ..வணக்கம் சார்.. நான் கலெக்டர் ஆபீஸ்ல இருந்து பேசுறேன்..




சிரிப்பு தர்பார்!

சிரிப்பு தர்பார்!

     எதிரி வாய்ஸ்  மெசேஜ் அனுப்பி இருக்கிறான் மன்னா!

  இன்கமிங் கால் வருவதற்குள் மிஸ்டு கால் ஆகிவிடுவோமா மந்திரியாரே!

எஸ்.வேதா, நத்தம்

    மன்னா! எதிரி இரண்டு நாழிகை நேரம் அவகாசம் கொடுத்துள்ளான்!

 என் “ரன்னிங் டைம்” பற்றி பாவம் அவனுக்கு என்ன தெரியும் மந்திரியாரே?

எஸ்.எஸ்.பாபு, பஞ்செட்டி,

     அந்தப் புலவர் இட்டுக் கட்டி பாடுவதில் வல்லவராமே!

அதனால் தான் மன்னரிடம் நிறைய துட்டு கட்டி வாங்கிவிடுகிறார்!

சின்னசாமி, நத்தம்

நம் மன்னர்  மகா கருமி?எப்படி சொல்கிறாய்?

புகழ்ந்து பாடிய புலவருக்கு முத்து மாலைக்கு பதில் சோளமுத்துக்களை கொடுத்து அனுப்புகின்றாரே!

சின்னசாமி, நத்தம்.

 : வருசம் முழுக்க பதுங்கு குழியில் தங்கி விட முடிவு செய்து விட்டீர்களாமே ஏன் மன்னா?

 : வெளியே கொரோனோ தொல்லை தாங்க முடியவில்லை மந்திரியாரே..,!

இந்து குமரப்பன்  விழுப்புரம். 

மந்திரி : நமது மன்னர் எப்படி புதைக்குழியில் மாட்டிக் கிட்டார்?

தளபதி : போரிலிருந்து தப்பி ஓடி வரும்போது பதுங்கு குழியில் குதிப்பதற்கு பதிலாக, புதைக்குழியில் குதிித்து விட்டார்..,!

இந்து குமரப்பன் விழுப்புரம். 

எதிரி கூப்பிடு தூரத்தில் வந்துவிட்டானாம் மன்னா!

கூப்பாடு போடாமல் போய் பதுங்குகுழியை தயார் செய்யும் மந்திரியாரே!

எஸ். வேதா, நத்தம்

என்ன இருந்தாலும் புலவரின் நாட்டுப்பற்று வியக்க வைக்கிறது!

 என்ன செய்தார்!

எதிரிமன்னன் கொடுத்த மதுவிருந்தை நிராகரித்துவிட்டு நம் நாட்டு மதுவை அருந்தினாராம்!

எஸ்.எஸ்.பாபு, பஞ்செட்டி.

எதிரி நம்மை துச்சமாக நினைத்து நகரை சூறையாடுகின்றான் மன்னா!

அச்சப்படாதீர்கள்! உயிராவது மிச்சமானதே என்று மகிழ்ச்சி அடையுங்கள் மந்திரியாரே!

எஸ்.வேதா, நத்தம்

          புலவரே! என்னை புகழ்ந்து நிறைய மெய்கீர்த்திகள் எழுதலாமே!

உங்களை புகழ்ந்து நிறைய பொய்க் கீர்த்திகள் வேண்டுமானால் எழுதலாம் மன்னா!

சின்ன சாமி,நத்தம்.

குறும்பா கூடம்!

குறும்பா கூடம்!

பறவை!

பறவைகளைவிட

வேகமாகப் பறக்கும்

மனசின் கற்பனைகள்!

        சுதந்திரம்!

என்னவென்று தெரியாமலே

சுதந்திரமாக இருக்கிறார்கள்

குழந்தைகள்!

            முயற்சி!

நாம் முயற்சி செய்யும் வரை

நம் நம்பிக்கைகள்

நம் கதவைத் தட்டுவதில்லை!

முத்து ஆனந்த்.வேலூர்

வெட்டும் மரம்
தடம் தெரியாமல் போகிறது
பறவையின் சத்தம்.

த.அதியமான்

கோழி கூவும் நேரம்
நிறங்களைப் பெரும்
மலர்ந்த பூக்கள்.

ஜி, அன்பழகன்.

.யார் எறிந்த மத்தப்போ
கீழிறங்குகிறது
மின்னல்வெட்டு

2.போதைக்கு
இறப்பு நிச்சயம்
கள்ளுப்பானையில் ஈ

3.எல்லாம் வல்ல இறைவன்
எப்போதும் வெளிவருவதில்லை
போட்டோ பிரேமுக்குள்ளிருந்து

4.கயிற்றில் கட்டிய மாடு
எத்தனைமுறை அசைபோட்டதோ
காட்டில் வாழ்ந்த அனுபவங்களை

5.விளக்கருகே
இறந்த பூச்சி
கடைசியாகவும் அழகாகப் பறந்தது

#பிறைநிலா 
பொள்ளாச்சி

கொட்டும் மழை
குளத்திற்கு வந்துவிடும்
நீருடன் வானம்!

வெட்டுண்ட மரத்தடியில்
அப்படியே கிடக்கும்
உதிர்ந்த பறவைகளின் இறகுகள்!
*
மழைப் பெய்ததும்
குட்டைக்கும் வந்துபோகும்
பௌர்ணமி நிலா!

மாதவன்,

செடியில் பூக்கள்

அதிக எண்ணிக்கையில்

 ஊறும் எறும்புகள்

….. தட்சணா மூர்த்தி

தொடர் மழை
கண்ணீர் சிந்தியபடி..
சோளக்காட்டு பொம்மை.  

த.அதியமான்.

முகம் பார்க்கும் கண்ணாடி
பேசத் தொடங்கியது
பிம்பத்துடன் குழந்தை!

-சு.கேசவன்

தந்தையை முன்னமர்த்தி
மகள் வரைகிறாள்
கடவுள் ஓவியம்

-பட்டுக்கோட்டை பெ மூர்த்தி

பிள்ளையும் கிள்ளிவிட்டு
தொட்டிலையும் ஆட்டுகிறது
இயந்திர பொம்மை

-ஹிஷாலி!

யாருமற்ற பாதை
வழிகாட்டிப் போகிறது
எறும்புக் கூட்டம்
***
நாளையும் வருவேன்
உறங்கச் செல்
நம்பிக்கை பாடமாக சூரியன்
**
விழித்திருந்த நாளில்
கூடை நிறைய பூக்கள்
வானில் நட்சத்திரங்கள்
**
யாரையோ தேடுகிறது நிலா
வனமெங்கும் உதிர்ந்த இலைகள்
பின் தொடரும் சூரியன்
***
க.அம்சப்ரியா

காற்று சற்றே//
வேகமாகவீச கிளையில்//
பறவையென பறந்தமர்கிறது//
வெண்ணிற நெகிழிப்பை..!

#ஆர்_ஜவஹர்_பிரேம்குமார்,
#பெரியகுளம்.

கண்மூடா சூழலில்
கனவிலின்றி நனவிலும்..
சுற்றிவரும் தேவதைகள்..!

#ஆர்_ஜவஹர்_பிரேம்குமார்,
#பெரியகுளம்.

பம்பரக்கண்கள்
பார்வை சாட்டை
சுழலுவது நான்.
புது வண்டி ரவீந்திரன்

பக்தர்களின் தரிசனத்திற்கு
காத்திருக்கின்றன
கோவில்களில் தெய்வங்கள்
புது வண்டி ரவீந்திரன்

சத்தியமாய் தேவை சமூக இடைவெளி.
இல்லை என்றால் உறுதி
காதல் தொற்று

.புது வண்டி ரவீந்திரன்

பேய்கள் ஓய்வதில்லை! பகுதி 19

பேய்கள் ஓய்வதில்லை! பகுதி 19

உங்கள் ப்ரிய பிசாசு

முன்கதைசுருக்கம்: தன் நண்பன் ரவிக்கு பிடித்துள்ள பேயை விரட்ட அவனை குஹாத்ரி மலைக்கு அழைத்து வருகிறான் முகேஷ். ஆனால் வழியில் காணாமல் போகிறான் ரவி. குஹாத்ரி மலையில் அவனுக்கு வித்தியாசமான அனுபவங்கள் ஏற்படுகிறது. பேய் ஒன்று அவன் காலைபிடித்து இழுக்க அரண்டு போகிறான். மறுநாள் காலை அவனது சித்தப்பா ஒர் ஆச்சர்யமாக அவனது நண்பன் ரவியை அவன் முன் நிறுத்துகிறார்.

அதிகாலையில் அந்த அதிசயக் காட்சியை பார்த்து பிரமை பிடித்தவன் போல நின்றான் முகேஷ். அவனோடு வந்து பாதி வழியில் காணாமல் போய் அவனுக்கு சவாலும் விட்ட ரவி அங்கே அமைதியாக சாதுவாக கையைக் கட்டிக் கொண்டு நின்றிருந்தான்.

   சித்தப்பா! இது இது எப்படி? நான் எதுவும் உங்க கிட்ட சொல்லவே இல்லை? ஆனா..

  சித்தப்பா என்று அவனால் அழைக்கப்பட்ட சுவாமிஜி முறுவலித்தார்! பக்தனின் குறையை தானே கலைவதுதானே ஒரு இறைவனின் கடமை!

  அப்ப நீங்க கடவுளா?

  இங்க உள்ளவங்க அப்படித்தான் சொல்றாங்க! ஆனா நான் அதை பெரிசா எடுத்துக்கிறது இல்லை! நீ சொல்லேன் நான் கடவுளா இல்லையா?

  சித்தப்பா! நாம அந்த விவாதத்துக்குள்ளே போக வேண்டாமே! அது பெரிய விசயம்! இந்த சின்ன பையன் அதை பத்தி பேசறது அவ்வளவு நல்லா இருக்காது. ஆனா! என்ன பொறுத்தவரைக்கும் இங்க நடக்கிற எல்லாமே மிராக்கிளா இருக்குது!

   நான் எந்த தகவலும் சொல்லாத வந்தேன்! ஆனா நீங்க என்னை உங்க ஆளை அனுப்பிச்சி கூட்டி வந்தீங்க! இப்ப என் நண்பனையும் கூட்டி வந்திருக்கீங்கே இதெல்லாம் எனக்கு ஸ்ட்ரேஞ்சா இருக்குது! ரியலி யு ஆர் ஏ கிரேட் மேன்! என்றான் முகேஷ்.

   முகேஷ்! இதெல்லாம் முறையான பயிற்சிகளாலே வருவது! ஆனா இந்த பயிற்சிகளை எல்லாராலேயும் செய்து சித்தி அடைய முடியாது.

இந்தியாவுல இருக்குற மொத்த பேருமே பணக்காரங்க கிடையாது. ஒரு பத்து பர்செண்ட் பேர் பணக்காரங்களா இருக்காங்கன்னு வை! மிச்சம் 90 சதவீதம் பேர் ஏன் பணக்காரங்களா இல்லை! அது அவங்க குற்றமா? இல்லை! பணக்காரங்கன்னு ஒரு சாதி இல்லே! யாரும் பிறப்பிலேயே பணக்காரனா இருக்க முடியாது. அம்பானியோட பிள்ளை அப்படி ஆகலாம். ஆனா அதை தக்க வைக்க அவன் கடுமையா உழைக்க வேண்டி இருக்கு இல்லையா? அப்ப மத்தவங்களும் உழைச்சு பணக்காரங்களா ஆக வேண்டியது தானே? ஆனா அது நடக்காது இல்லையா? அப்படித்தான் இந்த மாந்தீரிகமும்.

   இதை யாரு வேணுமுன்னாலும் படிக்கலாம்! ஆனா எல்லாராலேயும் எல்லாத்தையும் சித்தி அடைய முடியாது. அதுக்கு அவங்களுக்கு ஜாதகரீதியான அம்சங்கள் இருக்கணும். அப்பத்தான் அவங்க அதை முழுசா கற்கமுடியும் பலனை அடைய முடியும். ஏதோ எனக்கு அந்த கொடுப்பினையை ஆண்டவன் கொடுத்து இருக்கான்.

   மைகாட்! ரொம்ப அற்புதம்! இவன் என் கூட பஸ்ஸுல வந்து தடாகிட்ட தொலைஞ்சு போயிட்டான்! நீங்க எப்படி கண்டுபிடிச்சீங்க! மொதல்ல நான் உங்க கிட்ட எந்த விசயமும் சொல்லலை அதை எப்படி தெரிஞ்சிகிட்டீங்க?

   இதுதான் மாந்தீரிகம்! நீ சொல்லாமலேயே நான் செஞ்சாத்தான் ஒருபிடிப்பு என்கிட்ட உனக்கு கிடைக்கும். நீ வரும் போதெ கலக்கமா வந்தே! அப்பவே உன் உள்மனசை நான் படிச்சிட்டேன்! இதை ஹிப்னாடிசம்னு சொல்லுவாங்க! ஆழ்மனதுல புதைஞ்சி கிடக்கிறதை கண்டுபிடிக்கிறது இதைபடத்துல எல்லாம் காட்டுவாங்க! இருட்டறையில உக்காரவைச்சி தூங்க வைச்சி படிப்படியா கேள்வி கேட்டு உண்மையை வரவழைப்பாங்க! அது போலத்தான் இதுவும்.

   என்னுடைய மந்திர உச்சாடனங்களின் தேவதை உன் மனசில இருக்கறதை என்கிட்ட சொல்லிவிடும். அதுக்கான தீர்வு என்னன்னு இன்னொரு தேவதை சொல்லும். இன்னொரு தேவதை அந்த தீர்வை செய்து முடிக்கும்.

   ரொம்ப மிராக்கிளா இருக்கு! ஆனா ரவி இன்னும் என்னை கண்டுகிட்டதாவே தெரியலையே? அவன் முகத்துல ரியாக்சனே இல்லையே? பேந்த பேந்த முழிச்சிகிட்டு நிற்கிறாமாதிரி இல்லே இருக்குது!

   அதுதான் சொன்னேனே! இப்ப அவனை ஹிப்னாடிஸ் பண்ணி இருக்கேன்! அவன் சுயநினைவோடு இல்லை! பாதி தூக்கத்துல இருக்கான். அது கலைஞ்சதும் அவன் இங்க நிற்க மாட்டான். அவன் பண்ணின காரியத்தை கேட்டா நீ நடுங்கி போயிடுவே!

    என்னது!  அவன் அப்படி என்ன பண்ணியிருக்கான்?

 கொலை!

கொலையா?

கொலை இல்ல கொலைகள்!

அதிர்ந்து போய் நின்றான் முகேஷ்!

முஸ்லீம் நகரிலிருந்து சற்று தொலைவில் இருந்த அந்த பஞ்செட்டி பொன்னேரி சாலை அந்த அதிகாலை வேளையில் பரப்பரப்பாக இருந்தது ஆம்புலன்ஸ் ஒன்று வேகமாக வந்து நொறுங்கி கிடந்த லாரியில் பிணமாக இருந்த உடல்களை அள்ளிச்சென்றது. போலீஸ் ஜீப் ஒன்று வந்து நின்று அதிலிருந்த இறங்கிய சப்- இன்ஸ்பெக்டர் மற்றும் போலீசார் அங்கு தேங்கி கிடக்கும் வாகனங்களை ஒழுங்குபடுத்தி போக்குவரத்தை சீர் செய்ய ஆரம்பித்தனர் .

     லாரி மோதியிருக்கும் வேகத்தில் அந்த லாரியின் முன் பாகம் முழுவதும் சிதைந்து போயிருந்தது.

   எப்படிய்யா நடந்துச்சு! எஸ்-ஐ கேட்க அங்கிருந்த ஏட்டு , வேற எப்படி நடந்திருக்கும்! எல்லாம் டிரிங் அண்ட் டிரைவிங் தான்! குடிச்சு புட்டு கண்ணு மண்ணு தெரியாம வந்து மரத்துல மோதி உயிரை விட்டிருக்கான் பாவி! என்றார்.

   எஸ்-ஐ உச்சு கொட்டினார்.

வெரி சேட்! சின்ன பையனா இருக்கான்! இவன் குடும்பத்தை நினைச்சாவது குடிக்காம இருந்திருக்கலாம்! இப்படி அநியாயமா உயிரை விட்டிருக்கான்! என்று தொப்பியை கழற்றி வைத்துக் கொண்டார்.

இவை அத்தனையும் ஒரு குரூர சிரிப்பில் பார்த்து கொண்டிருந்தாள் செல்வி! போகட்டும்! என் கணக்கில் ஒன்று குறைந்தது என்று வாய்விட்டு முணுமுணுக்கவும் செய்தாள்!

                               மிரட்டும்(19)

கொஞ்சம் சிரியுங்க பாஸ்!

கொஞ்சம் சிரியுங்க பாஸ்!

“நிறைய தடவை மருதாணி வச்சும் கை சிவக்கவே இல்லை!”

” ஏன்?”

” அதான் பத்து நிமிஷத்துக்கு ஒரு தடவை கையை கழுவச்சொல்றாங்களே?”

புது வண்டி ரவீந்திரன்

“எங்கப்பா கையை சுட்டுக்கிட்டார்”

” வியாபாரத்திலியா?”

” இப்ப ஏது வியாபாரம்?
.விளக்கு ஏத்தும்போது”

புது வண்டி ரவீந்திரன்

“ஏண்டா பேராண்டி..நீ வரைஞ்ச படத்துல ..மண்ணுக்கு பச்சை கலர்ல வண்ணம் தீட்டீ இருக்கியே…ஏன்?”

” அது என்ன மாதிரி பச்ச மண்ணு தாத்தா”

புது வண்டி ரவீந்திரன்

என் வருங்கால மாமனார் ரொம்ப பழமை விரும்பிடா..!

 அதுக்காக உன் கல்யாணப் பத்திரிகையை ஓலையில் எழுதி எல்லோருக்கும் கொடுக்கிறதா?

இந்து குமரப்பன் விழுப்புரம். 

”  மூட்டுவலி அதிகமா இருக்கு டாக்டர் …”

  ” உங்க மனைவி கிட்ட சண்டைப் போட்டு வெளிநடப்பு ஓவரா செய்தீங்களா சார்…?”

    சீர்காழி.ஆர்.சீதாராமன்.

கணவன் : என் கூட  நீ வண்டியில் வரும் போது நீயும் ஹெல்மெட் போட்டுக்கிிட்டு வர்றது  கஷ்டமாக இருக்கா.?

மனைவி : ஆமாங்க.. எதிர்ல வர்றவ சேலை, நகையெல்லாம் சரியா தெரிலைங்க..!

இந்து குமரப்பன் ,விழுப்புரம். 

அவன் : என் மனைவிக்கும், எனக்கும் சண்டை வந்தால், அவ கோவிச்சுக் கிட்டு அம்மா வீீட்டுக்குப் போயிடுவா…!

இவன் : நீங்க என்ன பண்ணுவீங்க?

அவன் : அடிக்கடி அவ கூட சண்டை போடுவேன்…..!

இந்து குமரப்பன் ,விழுப்புரம்.

  மாமனார் வீட்டில் கொடுத்த காரை ஏன் வேணாம்னு சொல்லிட்டே..?

  : அவர் வாங்கி தந்தது  ‘கொரோனோ’ மாடல் கார் சார்..,!

இந்து குமரப்பன் ,விழுப்புரம். 

 நடுராத்திரியிலே எழுந்து எதுக்கு இப்படி கொட்ட கொட்ட முழிச்சிக்கிட்டு இருக்கீங்க?

நாளைக்கு லாக் டவுன் ஓப்பன் ஆகுதேன்னு நினைக்கும் போது தூக்கமே வரமாட்டேங்குதுடி!

எஸ்.எஸ்.பாபு, பஞ்செட்டி.

புலவரே உங்கள் பாட்டில் கூர்மை இல்லை…!

மன்னா….! உங்களை புகழ்ந்து பாடி பாடி வரிகள் எல்லாம் மொக்கையாக போய்விட்டது மன்னா!    எஸ்.எஸ். பாபு, பஞ்செட்டி.

தீமையிலும் நன்மை

தீமையிலும் நன்மை தருமபுரி சி.சுரேஷ்


    மணிக்கு வீட்டுச் சிறையில் அடைந்து கிடப்பது சிரமமாகவே இருந்தது
   காரணம் வீட்டில் ஒரு நிமிடம் கூட அவன் இருந்ததில்லை
      இப்பொழுது அவனுடன் யமஹா இரு சக்கர வண்டியும் வீட்டில் தூசி படிந்து நின்றுகொண்டிருந்தது
   “பெட்ரோல் செலவு மிச்சம்” என பெற்றோர்கள் சிரித்த ார்கள்
     மணியோ அவனை வீட்டில் கயிற்றில் கட்டி வைத்ததைப் போலவே ஒவ்வொரு நாளும் உணர்ந்தான்
      கரோனா வைரஸ் மீது ஆத்திரம் கொண்டான் கண்ணுக்குத் தெரியாத கிருமியால் நான் சிறைப்பட்டு கிடக்கிறேனே என வருத்தப்பட்டான்
       பெற்றோர்களை மீறி வெளியே செல்ல துணிவு இருந்தாலும்  வெளியே இருக்கும் போலீஸ்காரர்களுக்கு பயப்பட வேண்டி இருக்கிறது
     என்ன செய்வது பம்பரமாய் சுழன்று கொண்டிருந்த நான் ஓரிடத்தில் அடைக்கப்பட்டு விட்டேனே
           மனம் ஒரு குரங்கு எண்ணங்களில் தாவும் மனப்பான்மை கொண்டது
    எத்தனை  நாட்கள்தான் பல்லாங்குழி விளையாடுவது, தாயம் விளையாடுவது, அவுட்டோர் கேம் கிரிக்கெட் விளையாடி எத்தனை நாட்கள் ஆயிற்று
       வெளியே மைதானத்தில் காக்காய் ,குருவிகளைத் தவிர ஒரு கிரிக்கெட் நண்பனையும் காணமுடியவில்லை
    தொடர்ந்து எத்தனை புத்தகங்கள்தான் படிக்க முடியும்
      கண்கொட்டாமல் டிவி நிகழ்வுகளை தொடர்ந்து பார்ப்பதும் சலிப்பாகவே இருந்தது
      இன்று புதுமையாக ஏதாவது ஒன்றை வீட்டில் செய்ய வேண்டும் யோசித்தான் என்ன செய்யலாம்
     அவனின் அம்மா அவனிடம் “மணி நம்ம வீட்டு வாழை மரத்தில ரெண்டு வாழைக்காய் பறிச்சிட்டு வாடா “
     “எதுக்கு அம்மா” என கேள்விக் குறியோடு அம்மாவை நோக்கி பார்த்தான்
      “உனக்கு பிடிச்ச வாழைக்காய் பஜ்ஜி செய்யதான்”
     சும்மாவே உண்டு, உறங்கி, சலிப்பாய் இருப்பதைவிட இன்றைக்கு நான் ஏன் பஜ்ஜி போடக்கூடாது என யோசித்தான்
     “அம்மா இன்னைக்கு நான் பஜ்ஜி செய்கிறேன்”
   “டேய் என்னடா சமையல்கட்டு பக்கமே வராத நீ சொல்றது புதுசா இருக்கு”
   “என்னமா பண்றது தொடர்ந்து செய்யறதே செஞ்சா வாழ்க்கை ரொம்ப போர் அடிக்குது”
  அவன் அம்மாவுக்கு ஒரே சந்தோஷம் காரணம் வீட்டில் இவன் ஒரே மகன் பெண்பிள்ளை கிடையாது கூடமாட வேலை செய்ய 
” மணி உனக்கு ஒன்னும் தெரியாதுடா எண்ணெயில் தெரியாம  கையை வச்சிராத நெருப்பு வேற”கரிசனை கொண்டாள்
  “அம்மா நீ பயப்படாதே அது எப்படி செய்யணும்னு நான் யூடியூபில் பார்த்து படிச்சுட்டேன்”
  “அப்போ இன்னைக்கு அசத்தப்போவது யாரு” அப்பாவின் சிரிப்பு வீட்டை அதிர வைத்தது
  மீண்டும் அப்பா தொடர்ந்தார் “சூடான காப்பி, சுவையான பஜ்ஜி சூப்பர் காம்பினேஷன் அம்மாவும் மகனும் சேர்ந்து அசத்த போறாங்க பேஷ் பேஷ்”
   கொஞ்சநேரத்தில் மணக்க மணக்க பில்டர் காபியும், நாக்கில் எச்சில் ஊற சூடான வாழைக்காய் பஜ்ஜியும் அப்பாவின் வாய்க்குள் இறங்கியது
  “மணி அசத்திட்டடா இந்த சுவையான பஜ்ஜி எங்கேயும் நான் சாப்பிட்டது இல்லடா ”  என்றார்
  அப்பாவின் வார்த்தையால் மணியின் உள்ளத்திற்குள் குதூகலம் பிறந்தது
    சமையல் மீது ஒரு நாட்டம் வந்தது தினம் இப்படி ஏதாவது ஒன்றை செய்து அசத்தி கொண்டே இருப்போம் என முடிவெடுத்தான்
    அம்மாவிற்கு மனதிற்குள் ஒரே பெருமையாக இருந்தது என் மணி என் கஷ்டத்தை புரிஞ்சுகிட்டான் எனக்கு உதவி செய்யறான் என்று அவளுக்குள் நினைத்துக்கொண்டாள்
    உண்மை அதுவல்ல அவனுடைய கஷ்டத்தை தீர்த்துக் கொள்வதற்காக சலிப்பை போக்கிக் கொள்வதற்காக இந்த காரியங்களில் இறங்கி இருக்கிறான்
    ஒவ்வொரு நாளும் புதிது புதிதாக மணி ஏதாவது ஒன்றை செய்து வீட்டில் அப்பாவையயும், அம்மாவை அசத்தி கொண்டு இருந்தான்
    இப்படியாய் சமையல் கலையில் தேர்ந்தவன் ஆனான்
     கரோனா வைரஸ் அவனை வெளியே செல்ல அனுமதிக்காததால் யூடிபில் மூலமும் அம்மாவின் ஆலோசனையின் பேரிலும் அவன் சமையல் கலையில் வல்லவன் ஆனான்
    அப்பா சிரித்துக் கொண்டே மணியைப் பார்த்து சொன்னார் “பரவாலடா உன்  ங்கால மனைவிவரு    கொடுத்து வச்சவ”
  சமையல் அறைப் பக்கமே போகாத மணிக்கு  இந்த அனுபவங்கள் புதுமையாகவும் இனிமையாகவும் இருந்தது
    தொடர்ந்து சமையல்கள் செய்து அலுத்துப்போன அம்மாவுக்கு ஓய்வு கொடுத்தான்
     சில தீமையான சூழல்களிலும்  நாம் நன்மையான காரியங்களை கற்றுக்கொள்ள முடிகிறது என்பதை உணர்ந்தான்
     யமஹாவில் ஊர் சுற்றிக் கொண்டு இருந்த மணி இப்பொழுது சமையலறையில் அசத்திக் கொண்டிருந்தான்
     அவுட்டோர் கேம் கிரிக்கெட் விளையாடிக் கொண்டு இருந்த மணி வீட்டில் பல்லாங்குழி, தாயம் என எல்லாவற்றையுமே கற்றுக்கொண்டான்
    சில நேரங்களில் இறுக்கமாய் இருக்கிற மனதை தளர்த்திக் கொள்ள இப்படிப்பட்ட காரியங்களை செய்ய வேண்டியது அவசியமாகிறது
      அதன் வழியே சின்ன சின்ன சந்தோசங்கள் நம்மை மட்டுமல்ல நம் குடும்பத்தில் இருக்கிற ஒவ்வொருவரையும் அது சென்றடைகிறது என்பதை உணர ஆரம்பித்தான்
      இப்பொழுதெல்லாம் வீட்டில் பலமணிநேரம் இருக்க கற்றுக் கொண்டான்
      தூசி படிந்து இருந்த யமஹா வண்டியின்  மீதிருந்த கவனம் குறைந்து போயிற்று
    தீமையிலும் நன்மை என்று சொல்வார்களே அது இது தானோ
     அம்மா மணியை பார்த்து சொன்னாள் “டேய் மணி இப்படியே போன நான் சமையல்கட்டில் செய்யவேண்டியது எல்லாத்தையுமே மறந்திடுவேன்”
    ” எங்களுக்காய் உழைக்கும் தெய்வமே கொஞ்சம் ஓய்வாய்  இரு” என அம்மாவின் கன்னத்தை செல்லமாய் அன்புடன் கிள்ளினாள்
    அம்மாவின் மனதிற்குள் தனக்கு ஓய்வு கொடுத்த மகன் மேல் தீராத பாசம் கொண்டாள்
   தனக்கு உதவ ஒரு பெண்பிள்ளை இல்லையே எனும் எண்ணத்திலிருந்து விடுதலை கொண்டாள் 

நவீன் பட்நாயக் – பப்புவிடம் வேகாத கொரோனா பருப்பு.

ஒரிசாவின் முதல்வராக இருந்த மூத்த அரசியல்வாதி பிஜு பட்நாயக் 1997 ஆம் ஆண்டு காலமாகிறார். சூழ்நிலை காரணமாக அவரது புதல்வர் நவீன் பட்நாயக் அரசியலுக்கு வர வேண்டிய கட்டாயம்.

‘இங்கயும் வாரிசு அரசியலா..? இந்தியா எப்பத்தான் திருந்துமோ?’ என்று சலிக்க வேண்டாம். இப்பதிவின் இறுதியில் உங்கள் எண்ணம் தலைகீழாய் மாறலாம்.

உலகப்புகழ் பெற்ற கேம்பிரிட்ஜ் பல்கலையில் படித்துவிட்டு அமெரிக்காவில் செட்டில் ஆகிறார் நவீன். காலப்போக்கில் பல்வேறு நாடுகளுக்கு பயணம். ஒரிசா என்பது அவருக்கு Vacation spot மட்டுமே. ஒரிய மொழியை கூட சரியாக பேசத்தெரியாது.

‘சரி. அரசியலில் குதித்தாகி விட்டது. இனி என்ன? ஊழலில் அசத்தி ஆசியாவின் பணக்கார குடும்பமாக மாறி விடலாம். அப்படியே மகனையும் அரசியலுக்கு கொண்டு வந்து விடலாம். அடுத்து பேரன்..’ என கணக்கு போடவில்லை. சிந்தனை முழுக்க மக்கள் நலனில் மட்டுமே.

வருடம் 1999. இயற்கையின் கோரப்பிடியில் ஒடிசா சின்னா பின்னம் ஆனது. பேயாய் சீரிய புயல் 15 லட்சம் உயிர்களை காவு வாங்கியது. பல லட்சம் பேர் வீடற்ற அகதிகள் ஆகினர். நாட்டின் எந்த மாநிலம் சந்தித்திடாத கொடூரம்.

வருடம் 2000. முதல்வராக பொறுப்பேற்கிறார் நவீன்.

‘இனி ஒரு புயல் வரட்டும். செவுலை திருப்பி விடுகிறேன்’ என சபதம் ஏற்கிறார். ஒன்றல்ல… 2014, 2017, 2018,2017 என பண்டிகை விருந்தாளி போல தொடர்ந்து தாக்குகிறது புயல். ஒவ்வொன்றிலும் உயிரிழப்பு எவ்வளவு தெரியுமா? சிங்கிள் டிஜிட்டிற்கு கீழே மட்டுமே.

அசந்து போகின்றன உலக நாடுகள். பேரிடர் மேலாண்மையில் மிகச்சிறந்த தென்கிழக்கு ஆசிய மாநில விருதை ஒடிசாவிற்கு தந்து பாராட்டுகிறது ஐ.நா.சபை. இந்த விருதை வென்ற ஒரே இந்திய மாநிலம் ஒடிசா மட்டுமே.

மக்களின் அபிமான நாயகன் ஆகிறார் நவீன். 2000 – 2024 வரை தங்களை ஆளும் அதிகாரத்தை தந்திருக்கிறார்கள் ஒடிசா வாசிகள். தொடர்ந்து ஐந்துமுறை முதல்வர். இந்தியாவில் எந்த அரசியல்வாதியும் செய்யாத சாதனை.

‘ஆமா… இந்த வருசம் புயல் எப்ப வருது?’ என அதன் ஜோலியை முடிக்க காத்திருக்க…அதற்கு முன்பாக மாநில எல்லையில் ‘நவீன் சாப்… மே ஐ கம் இன்’ என பல்லை இளித்தபடி கேட்டது கொரோனா.

‘அங்கயே இரு… இதோ நான் வர்றேன்’ என்று கேட்டுக்கு அருகே சென்றார் நவீன். அப்பறமென்ன? வாங்கிய பிரம்படியில் எடுத்தான் பாருங்க ஓட்டம்..!!!

சரி… எப்படி செயல்பட்டது எந்த பிரம்பு?

மார்ச் இறுதியில் லாக் டவுன் போட்டு இந்தியா ‘விழித்து’க்கொண்டது அல்லவா? ஆனால் முதல் வாரத்திலேயே ஒடிசா அலர்ட் ஆகிவிட்டது. உடனடியாக ஹெல்ப் லைன் எண்கள் அறிவிக்கப்படுகின்றன. ஆங்காங்கே Partial Lockdown போடப்படுகிறது. அடுத்த மூன்று வாரத்தில் மட்டும் 72,000 கால்கள். எங்கே யாருக்கு என்ன பிரச்னை என்பது ஆய்வு செய்யப்படுகிறது.

மார்ச் 3 ஆம் தேதி covid19.odisha.gov.in. எனும் வெப்சைட் ரெடி. வெளியூர்/வெளிநாடுகளில் இருந்து ஒடிசா வரும் அனைவரும் இதில் தங்கள் விவரங்களை பதிவு செய்ய வேண்டும். 14 நாட்கள் தனிமைப்படுத்திக்கொண்டால் 15,000 ரூபாயை அரசு வழங்கும். ஆயிரக்கணக்கான நபர்கள் அரசு சொன்னதை செய்கிறார்கள். முதல் கட்ட வெற்றி.

அரசு மருத்துவர்கள், செவிலியர்கள், மருத்துவத்துறை சார்ந்த இதர ஊழியர்கள் அனைவருக்கும் நான்கு மாத சம்பளத்தை முன்பணமாக ஏப்ரல் துவக்கத்திலேயே அவர்களது வங்கிக்கணக்கில் போட்டு விடுகிறார் நவீன். பொருளாதார மன அழுத்தம் இன்றி அனைவரும் சுறுசுறுப்பாக வேலை பார்க்கிறார்கள்.

‘உள்ளூரில் இப்படி.. வெளி மாநிலங்களில் தவிக்கும் நமது தொழிலார்களுக்கு என்ன செய்யலாம்?’ என யோசிக்கிறார். உடனடியாக இந்தியாவின் அனைத்து மாநில முதல்வர்களையும் தொடர்பு கொண்டு ‘ஒடிசாவை சேர்ந்த ஒரு தொழிலாளி கூட பாதிக்கப்படக்கூடாது. அவர்களுக்கான உணவு, தங்குமிடம், மருத்துவம் அனைத்தையும் சிறப்பாக செய்யுங்கள். மொத்த செலவையும் எனது அரசாங்கம் தந்து விடும்’ என உறுதி அளிக்கிறார்.

நவீனின் அடுத்த முக்கிய டார்கெட் சிறுநகரங்களும், கிராமங்களும். புயல் வந்த ஆண்டுகளில் குக்கிராமம் வரை எப்படி உதவிக்கரம் நீட்ட வேண்டும் என்கிற அனுபவம் பக்காவாக இருந்ததால் நேர்த்தியாக செயல்பட தொடங்குகிறது அரசு எந்திரம்.

84,000 பேர் தனிமைப்படுத்தப்படுகிறார்கள். அனைத்து பஞ்சாயத்து வார்டுகளிலும் போதுமான மருத்துவ வசதிகள் ரெடி.

விளைவு… நேற்று ஏப்ரல் 20 வரை தொற்று உள்ளோரின் எண்ணிக்கை 74 மட்டுமே. 24 பேர் டிஸ்சார்ஜ் செய்யப்பட்டு விட்டார்கள்.

கேரளாவிற்கு இணையாக கொரோனாவை வீழ்த்திய மாநிலம் ஒடிசா. காரணம் மிக சிம்பிள்…

ஊர் சொத்தை உலையில் அடித்து தின்கிற எண்ணம் கொண்டவரில்லை நவீன். சிறந்த கல்வியாளர். சேவை மனப்பான்மை கொண்டவர். ஒப்பற்ற நிர்வாகி!!

அரசியல்வாதிக்கு மகன் என்கிற தகுதி மட்டுமே அரசியலுக்கு போதாது. அர்ப்பணிப்பு, அறிவு, ஆற்றல் தேவை என்பதை இதர மட சாம்பிராணிகள் புரிந்து கொள்ள இவரை விட உதாரணம் தேவையில்லை.

இளம் பருவத்தில் இவரை குடும்பமும், உள்ளூர் நண்பர்களும் செல்லமாக என்ன சொல்லி அழைப்பார்கள் தெரியுமா?

பப்பு.

ஆம். பப்பு எனும் பெயர் கொண்டோரை கிண்டல் செய்த தேச மற்றும் மாநில தலைவர்கள் கொரோனாவை கட்டுப்படுத்த முடியாமல் விழித்துக்கொண்டு இருக்கிறார்கள். ஆனால் அந்த வைரஸை விழிபிதுங்கி ஓட வைத்துக்கொண்டு இருக்கிறார் பப்பு.

Huge respect Naveen sir.