உங்களின் தமிழ் அறிவு எப்படி?


தமிழ் நாட்டில் பிறந்திருக்கிறோம்! தமிழை வாசிக்கிறோம், பேசுகிறோம். ஆனால் தமிழினைப் பற்றி நமக்கு எந்த அளவுக்கு விசயம் தெரியும். ? இங்கே கேட்கப்பட்டிருக்கும் கேள்விகள் எல்லாம் நாம் முதல் வகுப்பில் இருந்து படித்து வந்ததுதான்? இதற்கு விடை தெரிகிறதா என்று பாருங்கள்? குறைந்த பட்சம் பாதிக்காவது தெரிந்தால்  மீதியை அறிந்து கொள்ளுங்கள். மொத்த விடையும் தெரிந்தால் நீங்கள் தமிழன் என்று பெருமை பட்டுக் கொள்ளுங்கள்!

1.   தமிழ்த்தாய் வாழ்த்து எழுதியவர் யார்?

2.   தாயுமானவர் பிறந்த ஊர் எது?

3.   யாதும் ஊரே யாவரும் கேளீர் யார் கூற்று?

4.   தமிழ் இலக்கணம் எத்தனை வகைப்படும்?

5.   தமிழ்த்தாய் வாழ்த்து எந்த நூலில் இடம்பெற்றுள்ளது?6.   கம்பர் பிறந்த ஊர் எது?

7.   குறிஞ்சி பாட்டு எழுதியது யார்?

8.   தமிழ் நாடகத்தந்தை  என்று அழைக்கப்பட்டவர் யார்?

9.   சைவத் திருமறைகள் எத்தனை?

10. குறிஞ்சிமலர் எழுதியவர் யார்?

11. சீத்தலை சாத்தனார் எழுதிய காப்பியம் எது?

12. கல்வியில் பெரியவன் யார்?

13. நுணல் என்று அழைக்கப்படும் விலங்கினம் எது?

14. செந்நாப் போதார் என்று அழைக்கப்படுபவர் யார்?15. நாடகக் காப்பியம் என்று அழைக்கப்படுவது எது?

16. மூன்று நாடுகளின் பெருமை கூறும் நூல் எது?

17. உத்தம சோழ பல்லவராயன் என்று அழைக்கப்பட்ட புலவர் யார்?

18. பாரதி என்பதன் பொருள் என்ன?

19. திருவிளையாடல் புராணத்தில் உள்ள படலங்கள் எத்தனை?20. கவிமணி என்று அழைக்கப்பட்டவர் யார்?

விடைகள்:

  1.மனோன்மணியம் சுந்தரம் பிள்ளை 

2.திருமறைக்காடு 

3.கனியன் பூங்குன்றனார்

  4. ஐந்துவகைப்படும். எழுத்து, சொல், பொருள், யாப்பு, அணி   5.மனோன்மணியம்

 6 சோழ நாட்டில் உள்ள திருவழுந்தூர்

7. கபிலர்

8 சங்கரதாஸ் சுவாமிகள்

9 பன்னிரண்டு

10  நா. பார்த்த சாரதி

11  மணிமேகலை

12. கம்பர்

13 தவளை

14 திருவள்ளுவர்

15 சிலப்பதிகாரம்

16. சிலப்பதிகாரம்

 17 சேக்கிழார்

18 கலைமகள் 

19. 64 

20. தேசிகவிநாயகம் பிள்ளை.

தெரிந்தவர்கள் மீண்டும் ஒருமுறை ஞாபகப்படுத்திக் கொள்ளுங்கள்! தெரியாதவர்கள் அறிந்து கொள்ளுங்கள்! அவ்வப்போது இது மாதிரியான பதிவுகளை எழுதலாம் என்று உள்ளேன். உங்களது கருத்துக்களை பின்னூட்டம் வாயிலாக அறிவியுங்கள்! நன்றி! படங்கள் உதவி} கூகுள் இமேஜஸ்

சாகச வீரன் சூப்பர் தும்பி!


    “டேய்  முகில்! அங்க என்னடா பண்ணிட்டு இருக்கே?” தோட்டத்தில் தும்பிகளை பிடிக்க முயற்சித்துக் கொண்டிருந்த  முகிலை அந்த குரல் கலைத்தது. “ அம்மா! இங்க வாயேன்! எத்தனை எத்தனை தும்பி! பாரும்மா! நம்ம தோட்டத்துல அதுங்க அழகா பறக்கிறதை பார்க்க பார்க்க ஆசையா இருக்கு!” என்றவாறு கையில் ஒரு சிறு தும்பியை பிடித்தபடி வந்தான்  முகில். 

    “  முகில்! இதென்ன கெட்ட பழக்கம்?” எந்த உயிரையும் நாம துன்புறுத்த கூடாது? ஓடி விளையாடற உன்னை பிடிச்சு கட்டி வைச்சா உனக்கு வலிக்குமா வலிக்காதா? அப்படித்தான் விலங்குகளும் பூச்சிகளும் அதுங்களோட உலகத்துல நாமும் இருக்கோம். நாம வலிமை மிக்கவங்கறதாலே அதுங்களை துன்புறுத்த கூடாது விட்டுரு!” 

“ஸாரிம்மா! நான் இனிமே இப்படி நடந்துக்க மாட்டேன்! என் ப்ரெண்ட்  முத்து தான் இப்படி தும்பி பிடிக்க சொல்லிக் கொடுத்தான். அவனையும் பிடிக்கக் கூடாதுன்னு சொல்லிடறேன்!” என்றவாறு “ஸாரி தும்பி! ஏதோ ஆசையிலே உன்னை பிடிச்சிட்டேன்! இப்ப விட்டுடறேன்! நீ சுதந்திரமா பறந்து போ!” என்று அதை விட சிறகடித்து பறந்தது தும்பி. 

பள்ளியில், ”டேய்  முத்து! இனிமே தும்பி பட்டாம்பூச்சி எல்லாம் பிடிச்சு விளையாடறதை விட்டுடு. நம்மளை போல அதுவும் ஓர் உயிரினம்! அதை துன்ப படுத்த கூடாது!”

   “தோடா! வந்துட்டாரு புத்தரு!” போடா! நீ வேணா பிடிக்காதே! நான் தும்பி மட்டும் இல்லே! பொன்வண்டு, பட்டாம் பூச்சி எல்லாம் பிடிப்பேன்! உன்னால முடிஞ்சதை செய்துக்க!”    

 ”உன் கிட்ட அப்படி எதாவது பூச்சியை பார்த்தா நான் அவுத்து விட்டுருவேன்!”   ”முடிஞ்சா செய்! இதோ பாரு என் கிட்ட ஒரு தும்பி இருக்கு! இதோட ரெக்கையை உடைச்சி என் ஜாமெட்ரி பாக்ஸில் வைச்சுக்க போறேன்!”

    டேய்! வேணாம்டா! விட்டுடு!”    முத்து அந்த தும்பியை எடுத்து அதன் இறக்கையை உடைக்க முயல  முகில் சினம் கொண்டு கணேஷின் கையைத் தட்டி விட்டான். அவன் கையில் இருந்த தும்பி  விடுபட்டு பறந்தது. அடுத்த கணம்  முகிலின் கன்னத்தில் ஒரு குத்து விழுந்தது. “ஆ” என்று  முகில் அலறியது ஸ்கூல் பள்ளி மணி சத்தத்தில் மறைந்து போனது.  

“ எவ்வளோ கஷ்டப்பட்டு அந்த தும்பியை பிடிச்சேன்! இப்படி தட்டி விட்டுட்டியே! அதுக்கான பரிசுதான் இந்த குத்து! நாளைக்கு நான் மறுபடியும் தும்பியோட வருவேன். அப்ப நீ ஏதாவது வால் ஆட்டனே மவனே பல்லு உடைஞ்சிரும்!”  முத்து கருவியபடி சொல்ல கண்கலங்கியவாறு நடந்தான்  முகில் 

  அன்று மாலையில்  முகில்அவனது தோட்டத்தில் விளையாடிக்கொண்டிருக்க அவனது தோள் மீது வந்தமர்ந்தது அந்த தும்பி.  “ஹலோ  முகில்! அடி ரொம்ப பலமா பட்டிருச்சா! வலிக்குதா?” என்றது.   “யாரு யாரு பேசறது?””நான் தான்  முகில்! உன் தோள் பட்டையில உக்காந்திருக்கேன்! காலையில என்னை காப்பாத்தினேயே அந்த தும்பி!” முகிலின் கண்கள் வியப்பால் விரிந்தன. “ தும்பி நீ பேசக் கூட செய்வாயா?

   ”சாதாரண தும்பிகளால் பேச முடியாது! ஆனால் நான் ஒரு வினோத தும்பி. முனிவர் ஒருவர் சாபத்தினால் இப்படி தும்பியாக மாறிவிட்டேன். உண்மையில் நான் ஒரு கந்தர்வன்.”  

“கந்தர்வனா?”ஆமாம்! நாங்கள் ஆகாயத்தில் வசிப்பவர்கள். ஒரு முறை அப்படியே சஞ்சாரம் செய்து வரும் போது விந்திய மலை அடிவாரத்தில் ஒரு முனிவரின் ஆசிரமத்தில் நுழைந்தேன். அங்கு கூடைகளில் நிறைய மலர்கள் நிறைந்து இருந்தது. மலர்களின் வாசம் என்னை கவர்ந்தது. அப்படியே கீழிறங்கி கூடையோடு மலர்களை எடுத்து முகர்ந்து கொண்டிருந்தேன்.


அப்போது, ஒரு முனிவர் ஆவேசத்தோடு வந்து பூஜைக்கு வைத்த மலர்களை பாழாக்கிவிட்டாயே! பூக்களை நுகர்ந்த நீ இனி தும்பியாக மாறி பல பூக்களை தினமும் நுகர்ந்து கொண்டிரு! என்று சாபம் விடுத்துவிட்டார். சாப விமோசனம் கேட்டேன். தும்பியாக பிறந்த உன்னை மனிதர்கள் பிடித்து துன்புறுத்தி சாகடிப்பார்கள். பலமுறை செத்தும் மீண்டும் தும்பியாக பிறப்பெடுப்பாய். நல்ல மனதுள்ள ஒரு சிறுவன் உன்னை ஒருமுறை விடுவிப்பான். அவனுக்கு தேவையான உதவிகளை செய்து முடி! அப்புறம் உனக்கு சாப விமோசனம் கிடைக்கும். என்றார். 

  இன்று உன்னால் விடுவிக்கப் பட்டேன்! எனக்கு சாபவிமோசனம் விரைவில் கிடைக்கும். உனக்கு என்னுடைய சக்தியை தரப் போகிறேன்! இன்று முதல் நீ பறக்க முடியும்! என்னை நினைத்து சிறகே வா! சீக்கிரம் பற என்று சொன்னால் அந்தரத்தில் பறப்பாய்! தம்பி! நீ சூப்பர் தும்பி ஆகப் போகிறாய்!” என்றது அந்த தும்பி.  

முகிலால் நடப்பது எதையும் நம்ப முடியவில்லை! ”அதோ உன் ப்ரெண்ட்   முத்து கையில் ஒரு பொன்வண்டை வைத்துக் கொண்டு விளையாட்டு காட்டிக் கொண்டிருக்கிறான் அவனுக்கு நாம் விளையாட்டு காண்பிப்போமா?” என்ற்து தும்பி.   என்னை மனதில் நினை! மந்திரத்தை சொல்லு!தும்பியை நினைத்து, ”சிறகேவா! சீக்கிரம் பற” என்றான்  முகில்.

  தன் முன்னே தீடிரென்று வந்து நிற்கும்  முகிலைப் பார்த்து, காலையில் வாங்கினது பத்தலையா? என்றான் முத்து.   “முத்து அந்த வண்டை விட்டுரு!”   “இல்லேன்னா!”அடுத்த நொடி! முத்துவை தூக்கிக் கொண்டு பறந்தான் முகில். ஓர் உயரமான மரத்தின் கிளையில் தொங்கவிட்டான்.

”முத்து எப்படி இருக்குது நம்ம தொட்டில்! ராத்திரி முழுக்க இங்க தூங்கறியா?”    முத்துவின் கண்களில் பயம் தெரிந்தது. ”வேண்டாம் முகில்! விட்டுரு! நான் இந்த பூச்சியை விட்டுடறேன்!”   “ இந்த பூச்சியை மட்டும் இல்லே! இனிமே எந்த பூச்சியையும் பிடிக்க மாட்டேன்னு சொல்லு!”   ”பிடிக்க மாட்டேன்! பிடிக்க மாட்டேன்! உங்கிட்ட வம்புக்கும் வரமாட்டேன்!”சரி! உன்னை இறக்கி விடறேன்!  மரத்திலிருந்து முத்துவை அலேக்காக தூக்கி பறந்து கீழே  இறங்கினான் முகில்

   “ டமால்! என்ற சத்தம் கேட்டது. கட்டிலில் இருந்து புரண்டு விழுந்திருந்தான் முகில்  ஏண்டா கனவு ஏதாவது கண்டியா? தூக்கத்திலே என்னென்னமோ உளறினே இப்ப புரண்டு கீழே விழுந்திருக்கே!  அம்மா கேட்க    ச்சே!! எல்லாம் கனவா?  என்று முகம் கழுவ பாத்ரூம் சென்றான். சட்டையில் ஏதோ உறுத்த அவிழ்த்தான். அவன் விலாப்புறம் இரண்டு சிறிய இறக்கைகள் இது இது….!    பாத்ரூம் ஜன்னலில் தும்பி ஒன்று அவனையே பார்த்துக் கொண்டிருந்தது.


டிஸ்கி}  1980களில் தினமணிக் கதிரில் சூப்பர்தும்பி என்றொரு கார்டூன் வெளிவந்தது. படு சுவாரஸ்யமாக இருக்கும். நான் விரும்பி படிப்பேன். அதன் பாதிப்பே இந்த கதை. அவ்வப்போது தொடர்வேன் தும்பியின் சாகசங்களை!

தித்திக்கும் தமிழ்!

தித்திக்கும் தமிழ்! எங்கே இடம்?

தமிழர்களின் உபசரிக்கும் பண்பே அலாதியானது. அறிமுகம் இல்லாத ஒருவர் திடீரென்று இல்லத்திற்கு வந்தால் கூட வாங்க என்று அழைப்பர்! இல்லத்தின் உள்ளே அழைத்துச்சென்று நாற்காலியிலோ சோபாவிலோ அமர வைப்பர். மின்விசிறி போட்டு களைப்பாறச் சொல்லி நீரோ, குளிர்பானமோ, காபியோ ஏதாகிலும் தந்து உபசரிப்பர். பின்னர்தான் அவர் வந்த வேலையைக் கேட்பர். அது இயலுமாயின் செய்து கொடுப்பர் இது தமிழர் உபசரிப்பு. 

  இந்த உபசரிப்பு இன்று உருமாறிப் போய் அவலநிலையில் இருக்கின்றது. வாசல் வரை வந்தவரை அங்கேயே சென்று பேசி அப்படியே ஒன்றும் கொடாமல் திருப்பி அனுப்புவர். காலம் மாறிக்கிடக்கிறது. கள்வனும் உள்ளே வரக்கூடும் என்று எப்போதும் கதவுப் பூட்டிக் கிடக்கிறோம் இன்று. இன்னும் சிலரோ வீட்டில் இருந்தாலும் வெளியில் தலைகாட்ட மாட்டார். துணைவியிடமே வீட்டில் ஆள் இல்லை என்று சொல்லி அனுப்பிவிடச் சொல்வார்.

   இன்று அவரவர் பிழைப்பதே பெரும்பாடாக கிடக்கிறது. இதில் அடுத்தவரைக் கூப்பிட்டு உபசரிக்கவோ நன்கொடை அளிக்கவோ யாருக்கும் நேரமும் இல்லை விருப்பமும் இல்லை. இப்படி ஒரு வகையினர்.   இன்னும் ஒரு வகையினர் இருக்கின்றனர். விருந்தினர் வீட்டினுள் வந்தபோது, வாங்க வாங்க! சவுக்கியமா? உக்காருங்க! என்பர் அங்கே உட்கார இடம் இருக்காது. சோபாவில் பழைய துணிமணிகளும் பிள்ளைகள் இறைத்த புத்தகங்களும்  அடைத்துக் கிடக்கும். அதை அப்புறப் படுத்தாமலே, நிற்கறீங்களே உக்காருங்க! என்று சொல்லிவிட்டு இவர் பாட்டுக்கு தொலைக்காட்சியிலே கவனம் செலுத்த ஆரம்பிப்பார்.  

வந்தவரால் மெல்லவும் முடியாது விழுங்கவும் முடியாத நிலை! வெளியே செல்லவும் முடியாது. என்னங்க! வந்தீங்க! அப்படியே கிளம்பிட்டீங்களே! என்று கேட்பார் இவர். அவர் பாவம் தவித்துப்போய் ஒரு வாய் தண்ணீர் கிடைக்குமா என்று எண்ணி கொஞ்சம் தண்ணி கிடைக்குமா? என்று கேட்க இவரோ இருந்த இடத்தை விட்டு அசையாமல் உள்ளே குரல் கொடுப்பார். “ஏம்மா! ஒரு சொம்பு தண்ணி கொண்டுவா!”    உள்ளேயிருந்து குரல் வரும், ”நான் வேலையா இருக்கேன்! நீங்களே வந்து எடுத்துப்போங்க!”  வந்தவருக்கு தர்ம சங்கடமாகிப் போகும்.

இப்படி நமது உபசரிப்புக்கள் மாறிப் போய்விட்டன. இப்போது அந்த காலத்தில் ஒளவையாருக்கு நடந்த உபசரிப்பைப் பார்ப்போமா?     ஒரு சமயம் சோழன் தமிழறிஞர்களை புலவர்களை மிகவும் ஆதரித்து வந்தான். அவன் ஒருநாள் காவிரி வளம் கண்ணுற்று வந்தபோது காவிரிக்கரையோரமாக சங்கு ஒன்று வாய் திறந்தபடி இருப்பதைக் கண்டான். அதே சமயம் அங்கிருந்த ஒரு பூவிவிலிருந்து சிறு துளி தேன் ஒன்று அந்த சங்கின் வாயில் விழுந்தது. இதைக் கண்டு மகிழ்ந்த சோழன் இயற்கையின் அதிசயத்தை வியந்து அதே சிந்தனையில் இருந்தான்.   இதே சிந்தனையில் அவன் அவையில் இருந்தபோது அவ்வையார் அங்கே வந்தார்.

மன்னன் அவ்வையைக் கண்டு, வாருங்கள், அமருங்கள் என்று சொன்னான். ஆனால் அங்கே அவ்வையார் அமர இருக்கை ஏதும் இருக்கவில்லை! இதைப்பற்றி அவையில் இருந்தோரும் கவலைப்பட்டதாகத் தெரியவில்லை.   ஔவையாரோ நெடுந்தொலைவு நடந்து வந்தவர், மிகுந்த பசியோடும் தாகத்தோடும் இருந்தார். சோழனின் இந்தச் செயல் அவரை ஒரு கவிபாட வைத்தது.


  கால்நொந்தேன் நொந்தேன் கடுகி வழிநடந்தேன்யான் வந்ததூரம் எளிதன்று –கூனல்கருந்தேனுக் கங்காந்த  காவிரிசூழ் நாடாஇருந்தேனுக் கெங்கே இடம்?


காவிரிக் கரையோரம்  செழித்து வளர்ந்து பூத்துச்சொரியும் சோலைகளிடையே கிடக்கும் சங்கானது பூக்களில் சுரந்து வழியும் மிகுதியான தேனைப் பருகுவதற்காக வாயைப்பிளந்து இருக்க கூடிய காவிரி சூழ்ந்த வளம் மிக்க சோழநாடா! உன்னைக் காணும் ஆர்வத்தால்  விரைந்து வழியெல்லாம் நடந்து என் கால் நோவுற்றேன்! நான் கடந்து வந்த தூரம் குறைவான தூரம் அல்ல! எளிதில் அடைய முடியாத நெடுந்தூரம். அவ்வாறு நடந்து வந்து உன் அவையினுள் நின்றிருக்கும் எனக்கு அமர்வதற்கு எங்கு இடம்?


 என்று பொருள் படும்படி பாடினார்.   சோழன் அசந்து போனான். தான் கண்ட காட்சியை பாடிய ஔவை இறையருள் பெற்ற புலவர் என்று எண்ணினான். தன் தவறுக்கு வருந்தினான். உடனே இருக்கை தந்து உபசரித்து பரிசுகள் தந்து வழியனுப்பினான். 

இதில் கூனல் என்பது, சங்கு, அல்லது, நத்தை, அல்லது ஆமை என்று பொருள் கொள்ளலாம்.   ஒரு நத்தைக்கும் தேன் கிடைக்கும் இந்த சோழ நாட்டில் எனக்கு அமர்வதற்கு ஓர் இடமும் கிடையாதோ?  என்று பாடியது உன் அன்புப் பரிசும் கிடையாதோ என்று பொருள் உணர்த்தும்.

என்ன ஒரு அருமையான பாடல்! படித்து ரசியுங்கள்! மீண்டும் அடுத்த பகுதியில் சந்திப்போம்! நன்றி!

7 தலைமுறை பாவத்தை நீக்க வரும் சூரிய கிரகணம்2020🚩

ரமேஷ், சென்னை.

639 வருடத்திற்கு ஒருமுறை வரும் சூரிய கிரகணம் 21.6.2020 🚩🚩

🚩🚩 7 தலைமுறை பாவத்தை நீக்க வரும் சூரிய கிரகணம்2020🚩🚩

👉(நிகழும் ஸார்வரீ ஆண்டு ஆனி மாதம் -6 ஆம் தேதி (20-6-2020) சனிக்கிழமை அன்று தந்தையில்லாதவர்கள் அமாவாசை தர்ப்பணத்தை செய்ய வேண்டும்.)👈

🌞(மறுநாள் அதாவது ஆனி மாதம்-7 (21-6-2020) ஞாயிற்றுக்கிழமை பார்சுவ சூடாமணி சூர்ய கிரஹணம் ஆகும். )🌞🌞🚩🚩🙏
அன்று காலை வழக்கம்போல காலை நித்ய கர்மாக்களான பிராதஸ்நானம்,🚩 ஸந்த்யாவந்தனம், 🚩 சமிதாதானம்/ஔபாஸனம்🚩 ஆகிய கர்மாக்களைச் செய்துவிட்டு , நித்யபூஜையையும் செய்துவிடலாம். பிரஹ்ம்ம யக்ஞ பாராயணமும் செய்து முடித்து விடலாம். காலை சுமார் பத்து மணியளவில் கிரஹண ஸ்நானத்திற்காக மஹாஸங்கல்பம் செய்து கொண்டு ஸ்நானம் செய்துவிட்டு, முன்பே கூறியது போல தானங்களை உரியவர்களுக்கு கொடுத்துவிட்டோ(அல்லது) தத்தம் செய்து எடுத்துவைத்துவிட்டோ, பிறகு காயத்ரீ ஜபம் மற்றும் தெறிந்த வேத மந்திரங்கள் ஸ்லோகங்களைச் சொல்லலாம்.
தந்தை இல்லாதவர்கள் ஸ்ராத்தம் செய்து அதற்கு அங்கமான தர்ப்பணத்தையும் செய்ய வேண்டும். இவைகள் அனைத்தையும் அந்த கிரஹண காலமான காலை(10.22) முதல் பிற்பகல் (1.42) மணிக்குள் செய்ய வேண்டும். சாந்தி செய்ய வேண்டிய நட்சத்திரகாரர்கள். ரோகிணி, மிருகசீரிஷம், திருவாதிரை, ஹஸ்தம், சித்திரை, ஸ்வாதி, திருவோணம், அவிட்டம், சதயம்.)🚩🌞🙏

🚩🚩🌞ஆசமனம்🌞🚩🚩
சுக்லாம்பரதரம் விஷ்ணும் சசிவர்ணம் சதுர்புஜம் | ப்ரஸன்ன வதனம் த்யாயேத் ஸர்வ விக்னோப சாந்தயே ||🙏
ஓம் பூ : + வஸ்ஸுவரோம் .🤭
( ப்ராணாயாமம் செய்து விட்டு சங்கல்பம் )🤝
மமோபாத்த ஸமஸ்த துரிதக்ஷயத்வாரா ஸ்ரீ பரமேஸ்வர ப்ரீத்யர்த்தம்./ ஸ்ரீமன்நாராயணப் ப்ரீத்யர்த்தம். அபவித்ர: பவித்ரோவா, ஸர்வாவஸ்தாம், கதோபிவா, யஸ்மரேத், புண்டரீகாக்ஷம், ஸபாஹ்யா, அப்யந்தர: ஸ்சுசி : மானஸம், வாசிகம், பாபம் , கர்மணா, ஸமுபார்ஜிதம் , ஸ்ரீராம, ஸ்மரணேநைவ, வ்யபோஹதி, நஸம்சய : ஸ்ரீராம, ராம ராம ராம, திதிர்விஷ்ணு ; ததா வார : நக்ஷத்ரம், விஷ்ணுரேவச, யோகஸ்ச, கரணம்சைவ, ஸர்வம்,விஷ்ணுமயம், ஜகத் , ஸ்ரீ கோவிந்த , கோவிந்த கோவிந்த, அத்ய ஸ்ரீ, பகவத : மஹாபுருஷஸ்ய , விஷ்ணோராக்ஞயா , ப்ரவர்த்தமானஸ்ய ஆத்யப்ரஹ்ம்மண : த்விதீயபரார்த்தே, ஸ்வேதவராஹ, கல்பே, வைவஸ்வத, மன்வந்தரே, அஷ்டாவிம்சதிதமே, கலியுகே, பிரதமேபாதே, ஜம்பூத்வீபே, பாரதவர்ஷே, பரதக்கண்டே, மேரோ: தக்ஷிணே பார்ச்வே, சகாப்தே, அஸ்மின், வர்த்தமானே, வ்யாவஹாரிகே,(சாந்த்ரமாநேந), ப்ரபவாதீனாம், ஷஷ்ட்யா: ஸம்வத்ஸராணாம், மத்யே…….ஸார்வரீ நாம ஸம்வத்ஸரே , உத்தராயணே , கிரீஷ்மருதௌ , மிதுன மாஸே , கிருஷ்ணபக்ஷே, அமாவாஸ்யாம், சுபதிதௌ , வாஸர: பானு வாஸரயுக்தாயாம், ம்ருகசீர்ஷோ நக்ஷத்ரயுக்தாயாம், கண்டநாமயோக, நாகவகரண, ஏவங்குண, விசேஷண, விசிஷ்டாயாம், அஸ்யாம், வர்த்தமானாயாம், அமாவாஸ்யாம் சுபதிதௌ. மமோபாத்த, ஸமஸ்த, துரிதக்ஷயத்வாரா, ஸ்ரீபரமேஸ்வர, ப்ரீத்யர்த்தம்,
……….கோத்ரோத்பவஸ்ய
………..நக்ஷத்ரே
………..ராசௌஜாதஸ்ய
………..சர்மண:மம
………..நக்ஷத்ரே
………..ராசௌ ஜாதாயா:
……….நாம்நீயா:
மம தர்ம பத்னீயா:
…….. ……. …….. ……. …….
மம குமாரஸ்ய………..
மம குமார்யா: …………
மம ஜனகஷ்ய ……..‌…
மம ஜனன்யா:………(ext).‌.‌…….
அவயோ: (மம) ஸக குடும்பஸ்ய,
க்ஷேமஸ்த்தைர்ய, தைர்ய, வீர்ய, விஜய, ஆயு: ஆரோக்ய, ஐஸ்வர்யாணாம், அபிவிருத்யர்த்தம், ஆயுஷ்மது, சத்சந்தான, சம்ருத்யர்த்தம், ஸமஸ்த, மங்கள, அவாப்த்யர்த்தம், சமஸ்த, துரித, உப சாந்த்ய்ர்த்தம், ஸமஸ்த, அப்யுதயார்தம்ச, தர்மார்த்த, காம்ய மோக்ஷ, சதுர்வித, பல புருஷார்த்த, ஸித்யர்த்தம், இஷ்ட காம்யார்த்த, ஸித்யர்த்தம், உத்யோக, வ்யாபார, வ்யவசாய, ஸத்கீர்த்தி, யசசு, தன தான்ய, லக்ஷ்மிகடாக்ஷ, அபிவ்ருத்யர்த்தம், சத்ருபாதா, நிவர்த்யர்த்தம், ராஜத்வாரே, ஸர்வகார்ய, ஆனுகூல்ய, ஸித்யர்த்தம், இஷ்ட தேவதா, குலதேவதா, க்ஷேத்திரமேவ, பதே பதே, புனர்தர்சன, ப்ராப்த்யர்த்தம், ஸரீரே, வர்த்தமான, வர்த்திஷ்யமான, ஸமஸ்த, ரோக பீடா, பரிஹாரார்த்தம், ‌ஜென்மலக்ன, ஜென்மநக்ஷ்த்திர, ஜென்மராசி, அபேக்ஷயா, சந்த்ரலக்ன, சந்த்ரராசி, அபேக்ஷயாச, ஜென்ம, கர்மாத்தான, ஸ்வாங்காதிக, வைநாசிக, காலச்சக்ரவசாத், அங்கக்ருஹவசாத், உபக்ருஹவசாத், பாவக்ருஹவசாத், நவாம்ச, தசாம்ச, த்ரும்சாம்ச, ஷஷ்டியாம்ச, அம்சாவசாத், ஜன்மாப்யாஸாத், ஜன்மபிருப்ருதி, ஏதக்ஷணபர்யந்தம், இதாநீம், ஸமஸ்த, பாபக்ஷயார்த்தம், துஸ்வப்ன, துஸ்சகுன, தௌர்மனஸ்ய, துஸ்சிந்தன, துஸஷ்கீர்த்தி, நிவார்த்யர்த்தம், ப்ரை: க்ருத, கரிஷ்யமான, மந்தர, யந்தர, தந்தர, ஆபிசார, விஷசூர்ண, ப்ரயோக, ஆகர்ஷண, வசீகரண, மோகன, ஸ்தம்பன, உச்சாடண, பந்தநாதி, ஜெனித, உபத்ரவ, நிவர்த்யர்த்தம், ரவி, அங்காரக, ஜீவ, சுக்ர, ஸோம, ஸெயம்ய, சனி, ராகு, கேது, சாரவசாத், நவக்கிரஹ, ஜனிததோஷ, நிவாரணார்த்தம், வக்ரஹோர, மஹாதசா, மாரகாதி, க்ருஹவேதா, மஹாவேதாதி, ஜனித, உபத்ரவ, நிவர்த்யர்த்தம், சிவத்துரோக, விஷ்ணுத்துரோக, குருத்துரோக, பிராமணத்துரோக, பசுபக்ஷியாதித்துரோக, ஸ்வர்ண, அபஹரண, சுவாஸிநீகோப, பகவதீகோப, குல பாரம்பரிய, தெய்வசாப, மனுஷ்யசாப, மாத்ருசாப, பித்ருசாப, குருசாப, பராமணசாப, பந்துஜனசாப, பக்ஷிசாப, விருக்ஷசாப, ஸர்வசாப, தோஷ, நிவாரணார்த்தம், வஷேசதக: அநாதி, அவித்யா வாஸனயா, அஸ்மின் மஹதி, ஸம்ஸார சக்ரே, விசித்ராபி : கர்மகதிபி : விசித்ராஸு, யோனிஷு, புந :புந : அனேகதா, ஜனித்வா, தேனாபி, புண்யகர்ம, விசேஷ்ண, இதானீம், தனமானுஷ்யே, த்விஜஜன்மவிசேஷம், ப்ராப்தவத :(மம) ஜன்மாப்யாஸாத், ஜன்மப்ரப்ருதி, ஏதக்ஷாண, பர்யன்தம், பால்யேவயஸி, கௌமாரே, யௌவனே, வார்தகே ச, ஜாக்ரத்ஸ்வப்ன, ஸிஷுப்தி, அவஸ்தாஸு, மனோவாக்காய, கர்மேந்த்ரிய, ஞானேந்திரிய, வியாபாரைஸ்ச, ஸம்பாவிதானாம், ஸர்வேஷாம், பாபாநாம், ஸத்ய: அபநோதநார்த்தம், ஸமஸ்த, பாபக்ஷயார்த்தம், (மம) இஹஜன்மணி, புர்வஜன்மணி, ஜன்ம, ஜன்மாந்த, ரெஷுச, ரஹஸ்யக்ருதாநாம், ப்ரகாஷக்ருதாம், அதிபாதகாநாம், உபபாதகாநாம், ஸமபாதகாநாம், மஹாபாதகாநாம், சங்களிகரணானாம், மலனிகரணானாம், அபாத்ரிகரணானாம், யாதிபரம்ஸகரணானாம், ப்ரகீர்னகரானாம்,
ஞானத: ஸக்ருத் கிருதானாம், அக்ஞானத ; அஸக்ருத் க்ருதானாம், ஞானத : அக்ஞானதஸ்ச, அத்யன்த அப்யஸ்தானாம், நிரன்தர அப்யஸ்தானாம், க்ஷிரகாலாப்யஸ்தானாம், நிரந்தர, க்ஷிரகாலாப்ய
ஸ்தானாம் ஏவம்நவானாம், நவவிதானாம், பஹூனாம், பஹுவிதானாம், ஸர்வேஷாம், பாபானாம், ஸத்ய : அபனோதனத்வாரா, அயாஜ்யயாஜன, அதஸ்ப்ரதிக்ரஹன, அபக்ஷ்யபக்ஷண, அபோஜ்யபோஜன, அபேயபேயாதி, ஸமஸ்த, பாபஷ்யார்த்தம்,(மம) ஸரிரம், வஜ்ரவது, திடகாத்ரதா, சித்தியர்த்தம், (மம) தர்மபத்னீயா: தீர்கஸெமங்கள்ய, பிராத்யர்த்தம், (மம) ஜனகஷ்ய, ஸரிரம், வஜ்ரவது, திடகாத்ரதா, சித்தியர்த்தம், ஜனன்யா: தீர்க, ஸெமங்கள்ய, பிராத்யர்த்தம்,
அஸ்மின், தம்பதி, ஸகித, பீமரதசாந்தி, விஜயரதசாந்தி, சதாபிஷேக, கனகாபிஷேக, பூர்ணாபிஷேக, பிராத்யர்த்தம், பூர்ணாபிஷேக, பரியந்தம், ஸரிரம், வஜ்ரவது, திடகாத்ரதா, சித்தியர்த்தம், (மம) குமாரஸ்ய, குமார்யா: ஸகல, வித்யா, பிராத்யர்த்தம்………….(ext)
மம கிருஹே, ஸர்வ மங்கள, அபிவ்ருத்யர்த்தம், ஸகல, கல்யாண, ஸம்ருத்யர்த்தம்.

🚩ஸ்ரீ காமாக்ஷி அம்பிகா சமேத ஸ்ரீ ஏகாம்பரேஸ்வர ஸ்வாமி ஸன்னிதௌ.

🚩ஸ்ரீ மகா திரிபுரசுந்தரி அம்பிகா சமேத ஸ்ரீ சந்திரமௌலீஸ்வர ஸ்வாமி ஸன்னிதௌ.

🚩ஸ்ரீ தேவி பூதேவி அம்பிகா சமேத ஸ்ரீ வரதராஜஈஸ்வர ஸ்வாமி ஸன்னிதௌ.

🚩ஸ்ரீ அஸ்வத்த நாராயண ஸ்வாமி ஸன்னிதௌ.

🚩ஸ்ரீ ரங்கநாயகி அம்பிகா சமேத ஸ்ரீரங்கநாத ஸ்வாமி ஸன்னிதௌ.

🚩ஸ்ரீமீனாட்சி அம்பிகா சமேத ஸ்ரீ சுந்தரேஸ்வர ஸ்வாமி ஸன்னிதௌ.

🚩ஸ்ரீ அலமேலு அம்பிகா சமேத ஸ்ரீ வெங்கடாஜலபதி ஸ்வாமி ஸன்னிதௌ.

🚩ஸ்ரீ அபயாம்பிகை அம்பிகா சமேத ஸ்ரீ மயூரநாதர ஸ்வாமி ஸன்னிதௌ.

🚩ஸ்ரீ விசாலாட்சி அம்பிகா சமேத ஸ்ரீ காசி விசுவநாதர் ஈஸ்வர ஸ்வாமி ஸன்னிதௌ.

🚩ஸ்ரீ புவனேஸ்வரி அம்பிகா சமேத ஸ்ரீ ஸ்வாமி ஸன்னிதௌ.

🚩ஸ்ரீ வள்ளி தேவசேனா அம்பிகா சமேத ஸ்ரீ சுப்பிரமணிய ஸ்வாமி ஸன்னிதௌ.

🚩ஸ்ரீசாயா சுவர்ச்சலா அம்பிகா சமேத ஆதித்யக்ரஹ ஸ்வாமி ஸன்னிதௌ.

🚩ஸ்ரீரோகிணி தேவி சமேத ஸ்ரீ சோமக்ரஹ ஸ்வாமி ஸன்னிதௌ.

🚩ஸ்ரீசக்தி தேவி சமேத ஸ்ரீஅங்காரக்ரஹ ஸ்வாமி ஸன்னிதௌ.

🚩ஸ்ரீஞான தேவி சமேத ஸ்ரீபுதனக்ரஹ ஸ்வாமி ஸன்னிதௌ.

🚩ஸ்ரீதாராதேவி சமேத ஸ்ரீபிரகஸ்பதிக்ரஹ ஸ்வாமி ஸன்னிதௌ.

🚩ஸ்ரீசுகீர்த்திதேவி சமேத ஸ்ரீசுக்கிரன்க்ரஹ ஸ்வாமி ஸன்னிதௌ.

🚩ஸ்ரீநீளாதேவி சமேத ஸ்ரீசனீஸ்வரக்ரஹ ஸ்வாமி ஸன்னிதௌ.

🚩ஸ்ரீசிம்மிதேவி சமேத ஸ்ரீராகுக்ரஹ ஸ்வாமி ஸன்னிதௌ.

🚩ஸ்ரீசித்ரலேகா தேவி சமேத ஸ்ரீகேதுக்ரஹ ஸ்வாமி ஸன்னிதௌ.

🚩ஸ்ரீ ஆதித்யாதி நவக்ரஹ தேவதா ஸ்வாமி ஸன்னிதௌ.

🚩ஸ்ரீ அபிராமி அம்பிகா சமேத ஸ்ரீ அமிர்தகடேஸ்வரர் ஸ்வாமி ஸன்னிதௌ.

🚩ஸ்ரீ பாலாம்பிகா சமேத ஸ்ரீ அமிர்தமருத்யுஞ்ஜய ஸ்ரீ மார்க்கண்டேஸ்வரர் ஸ்வாமி ஸன்னிதௌ.

🚩ஸ்ரீபாஸ்கரஷேத்ரே ஸ்ரீசேது மாதவ ஸ்ரீகாலபைரவர் ஸ்வாமி ஸன்னிதௌ.

🚩ஸ்ரீ சீதா லட்சுமண பரத சத்ருக்ன ஹனுமத் சமேத ஸ்ரீ ராமச்சந்திர ஸ்வாமி ஸன்னிதௌ.

🚩 ஸ்ரீ ஜகத்குரு ஆதிசங்கரர் ஸ்வாமி ஸன்னிதௌ.

🚩 ஸ்ரீ காஞ்சி காமகோடி பீடாதிபதி ஜகத்குரு ஸ்ரீ சந்திரசேகரேந்திர சரஸ்வதி மஹஸ்வாமி ஸன்னிதௌ.

🚩 ஸ்ரீ இஷ்டதேவதா குல தேவதா ஸ்வாமி ஸன்னிதௌ.

🚩 ஸ்ரீவிநாயகாதி ஸமஸ்த ஹரிஹர தேவதா ஸ்வாமி ஸன்னிதௌ.

🚩திரயஸ் த்ரிகும் ஸத்கோடி தேவதா ஸ்வாமி ஸன்னிதௌ.
மம ஸமஸ்த, பாபஷ்யார்த்தம், ஸூர்யோபராக, புண்யகாலே … புண்யக்ஷேத்ரே /புண்யதீர்த்தே , புண்யகால, ஸ்நானமஹம், கரிஷ்யே.🌞🙏🚩

🚩👉(அப உபஸ்ப்ருஸ்ய) 👈🚩

👉( கைகளை தீர்த்தத்தால் துடைத்துக் கொள்ளவும் ) 👈

🙏(பிரார்த்தனை ஸ்லோகம்)🙏
🚩துர்போஜன துராலாப துஷ்ப்ரதிக்ரஹ ஸம்பவம் பாபம் ஹர மமக்ஷிப்ரம் ஸஹ்ய கன்யே நமோஸ்துதே ||🚩

👉(க்ரஹசாந்தி பரிஹார ஸ்லோகம்)👈 🚩🌞🚩
🚩யோசௌ வஜ்ரதரோ தேவ:
ஆதித்யானாம் ப்ரபுர்மத:|
ஸஹஸ்ர நயன சூர்ய: க்ரஹ பீடாம் வ்யபோஹது||🚩

👉(ப்ராதஸ்நானம் மந்திரம்)👈
🚩அதிக்ரூர மஹாகாயா கல்பான்த கஹனோபம் . ! பைரவாய நமஸ்துப்யம் அனுஞாம் தாதுமர்ஹசி || 🚩

🚩கங்கா கங்கேதி யோப்ரூயாத்
யோ ஜனானாம் சதைரபி:!
முச்யதே ஸர்வ பாபேப்ய:
விஷ்ணு லோகம் ஸகச்சதி||🚩

👉(இடுப்பு வேஷ்டி பிழியும் போது சொல்ல வேண்டிய மந்திரம்)👈
🚩உச்சிஷ்ட பாகினோ தாஸா:
யேம்ருதா:அமந்த்ரகா: த்ருப்யந்து தநுதாம் ப்ராப்தா: மம ஸம்பந்தி நோநரா:🚩

👉(வேஷ்டியை உதரும் மந்திரம்) 👈
🚩உதுத்யம் ஜாதவேதஸம் தேவம்வஹந்தி கேதவ: த்ரேசே விச்வாய ஸூர்யம்.🚩

👉(வேட்டியை கட்டிக் கொள்ளும் மந்திரம்)👈
🚩ஆவஹந்தி விதன்வானா + ப்ரமா பத்யஸ்வ.🚩

👉(இதனுடன் ஆபோஹிஷ்டா , அகமர்ஷண ஸூக்தம் போன்ற மந்திரங்களைக் கூறி ஸ்நானம் செய்யவும் முடிவில் ஸ்நானாங்க தர்ப்பணம் செய்யவும்)👈

      (🌞கிரகணம்🌞)

🚩( ஸ்நான ஸாத்குண்யம் )🚩
ஹிரண்ய கர்ப கர்பஸ்தம் ஹேமபீஜம் விபாவஸோ : | அனந்த புண்ய பலதம் அத : சாந்திம் ப்ரயஸ்ச்சமே || அத்ய க்ருத புண்யகால ஸ்நான பல ஸித்யர்த்தம் இமாம் தக்ஷிணாம் ப்ராஹ்ம்மணாய ஸம்ப்ரததே நம : நமம . 🚩🚩

👉(பிறகு கையில் சிறிதளவு ஜலம் எடுத்துக்கொண்டு கீழ்க்கண்ட மந்திரத்தைச் சொல்லி கீழே விடவும்) 👈

🚩காயேந வாசா மநஸேந்த்ரியைர்வா புத்யாத்மநாவா ப்ரக்ருதே: ஸ்வாபாவாத் கரோமி யத்யத் ஸகலம் பரஸ்மை நாராயணாயேதி
ஸமர்ப்பயாமி.🚩

🙏(கிரஹணம் விட்டபிறகு விட்ட ஸ்நானம் செய்து விட்டு, அன்றைய மதியம் செய்யவேண்டிய மாத்யானிகம், பிரம்மயக்ஞம் நித்யகர்மாக்களை செய்ய வேண்டும்)🙏

      🌞🚩(சம்பூர்ணம்) 🚩🌞

ஒரு பிலிப்பைன்ஸ் விவசாயி.!

ஒரு பிலிப்பைன்ஸ் விவசாயி.! 

டேனியப்பா

@minimeens



என்னவோ சத்தம் என்றுதான் வெளியே எட்டிப் பார்த்தேன்.

அலுவலக டாய்லெட் வாசலில் அந்த முரட்டு நைஜீரிய என்ஜினியர் அங்கே பாவமாய் நின்றுகொண்டிருந்த நேபாளித் தொழிலாளிகள் இருவரையும் பயங்கரக் கோபத்துடன் அடிக்கப் பாய்ந்து கொண்டிருந்தான்.
ஓடிப்போய் அவனைத்

தடுத்தால்… காலையிலிருந்து டாய்லெட் அடைத்திருப்பதை சரிசெய்யாமல், அவசரத்திற்கு உள்ளே போகவிடாமல் அந்த நேபாளிகள் தடுப்பதாய் அந்த நைஜீரியன் கோபமாய்த் தெரிவிக்க, முக்கியமான இடத்தில் அடைத்திருப்பதால் தண்ணீர் போக மாட்டேன் என்கிறது, இன்ஸ்பெக்‌ஷன் சேம்பர் வழியாக எவ்வளவு குத்தியும்

அடைத்திருப்பது போகாததால், அதை சரி செய்யும் வரை டாய்லெட்டை உபயோகிக்க முடியாது என்று தடுத்ததாய் இவர்கள் ஹிந்தியில் சொன்னார்கள்.பாவம்… இந்த நேபாளிகள். வேலை தெரியாத ஹெல்ப்பர் ஆட்கள். ப்ளம்பர் விடுமுறை என்பதால் சமாளிக்கலாம் என்று வந்தவர்கள், இப்போது என்ன செய்வதென்று தெரியாமல்

அட்மின் சூப்பர்வைசர் ஜெய்மர் வரக் காத்திருப்பதாய்ச் சொல்லிவிட்டு அவனுக்கு ஃபோன் செய்ய ஆரம்பித்தார்கள்.ஜெய்மர் பெயரைக் கேட்டதுமே எனக்கு இந்தப் பிரச்னை இன்னும் பெரியதாகப் போகிறது என்று தெரிந்துவிட்டது.ஜெய்மர் என்கிற இந்த ஜெய்மர் க்யூனிசலா ஒரு பிலிப்பைனி. நல்ல சிவப்பு.

நாகரிகம். எல்லாவற்றிலும் அழுக்குப்படாத உயர்தரம் விரும்பும் ஒரு ஆள். ஐஃபோனும் ஆடி காருமாய் வாழும் அவன், கொஞ்சம் தலைக்கனம் பார்ட்டி. அவ்வளவு சுலபத்தில் யாரிடமும் பேசமாட்டான். சுத்தம் சுத்தம் என்று எந்நேரமும் சுத்தம் பற்றியே பேசுபவன் என்பதால் அவனை அவன் சுத்தமாய் வைத்துக் கொள்வது

போலவே அலுவலகத்தையும் சுத்தமாய் வைத்துக் கொள்வதில் கெட்டிக்காரன். அதனால்தான் அமெரிக்கர்களும் ஐரோப்பியர்களும் வாழும் கம்பெனியில் தாக்குப் பிடிக்கிறான் என்று அடிக்கடி நினைத்துக் கொள்வேன்.அந்த நேபாளிகள் அவனுக்கு ஃபோன் செய்து கொண்டிருக்கும்போது அவர்கள் குத்திக் கொண்டிருந்த

சேம்பரை எட்டிப் பார்த்தேன். மனிதக் கழிவுகளும் வண்டலுமாய் கலங்கி நுரைத்து நாறிக் கொண்டிருந்தது. பார்த்த உடனேயே வயிற்றைப் பிரட்ட சட்டென்று அங்கிருந்து நகர்ந்து நின்றுகொண்டேன். சற்று முன்னே மண்ணைத் தோண்டி பைப்பை உடைத்து, குத்திவிட்டு திரும்ப பைப்பை சரிசெய்து மாட்டி விட்டால்

அடைப்பு போய்விடும். ஆனால் அதற்குக் கண்டிப்பாய் ஒரு மணிநேரமாவது ஆகும்.என்ன செய்யப் போகிறானோ என்று யோசித்துக் கொண்டிருக்கையில் வந்துவிட்டான் ஜெய்மர். அந்த நேபாளிகளிடம் என்ன என்று கேட்டுக் கொண்டே அவன் அடைப்பு இருந்த இடத்தை நோக்கி நகர, அதற்குள் சேர்ந்திருந்த இன்னும் சில

என்ஜினியர்கள் ’புவர் மெயிண்டெனன்ஸ்’ என்று கத்த ஆரம்பிக்க, நான் அவர்களிடம் ’சற்று பொறுங்கள்’ என்று சமாதானம் செய்துகொண்டிருக்கும் போதுதான்… யாரும் எதிர்பாராமல் ஜெய்மர் அந்தக் காரியத்தைச் செய்தான்.இன்ஸ்பெக்‌ஷன் சேம்பர் அருகே முட்டியை மடக்கி உட்கார்ந்தவன்,

சட்டென்று சட்டைக் கையை ஏற்றிக் கொண்டு, அந்த சாக்கடைக்குள் கையைவிட்டு, அதற்குள் அடைத்திருந்த சாப்பாட்டுக் கவரை ஒரு இழுப்பில் இழுக்க… மறுவிநாடி எல்லா பிரச்னையும் முடிந்தேவிட்டது.எட்டிப் பார்க்கவே குமட்டும் அந்த சாக்கடைக்குள் எப்படிக் கையை விட்டான்.? அதுவும் அவ்வளவு சுத்தம்

பார்க்கும் இவனா அதைச் செய்தான்… என்ற அதிர்ச்சியில் எல்லோரும் உறைந்திருக்க, ஒன்றுமே நடக்காதது போல, ”அவ்ளோதான். இப்ப நீங்க டாய்லெட்டை உபயோகிக்கலாம்.!” என்று எங்களைப் பார்த்து சிரித்தபடியே கைகளைக் கழுவ டாய்லெட்டுக்குள் சென்றான்.

’எப்படி அப்படிச் செய்ய முடிந்தது?’ என்று பிறகு

நேரில் பார்த்த போது கேட்டேன். அதற்கு நேரடியாய் பதில் சொல்லாமல் சிரித்தபடி என்னைக் கேட்டான்.

“உங்களுக்கு விநோபா பாவே-வைத் தெரியுமா.?”

எனக்கு இன்னும் ஆச்சர்யமாகி அவனிடம் கேட்டேன்.
“ஆமாம்.. எங்கள் நாட்டு சுதந்திரப் போராட்ட தியாகி. அவருக்கும் இதற்கும் என்ன சம்பந்தம்.?”
அவன்

சிரித்தபடி சொன்னான், “அவர்தான் மக்சேசே விருது வாங்கிய முதல் இந்தியர்.!”
அது என்ன விருது, அதற்கும் இதற்கும் என்ன சம்பந்தமாய் இருக்கும்… என்ற குழப்பத்துடன் நிமிர்ந்து பார்த்த என்னிடம் அவன் தொடர்ந்து சொன்னான்.

“ரமொன் மக்சேசே எங்கள் நாட்டுத் தலைவர். இன்னும் சொல்லப் போனால்

உங்களுக்கு காந்திபோல எங்களுக்கு அவர் தேசப்பிதா என்றே சொல்லலாம். மக்கள் எவ்வழி மகேசன் அவ்வழி என்பார்கள் தெரியுமா… அதுபோலவே தலைவர்களை வைத்தே அந்த நாட்டு மக்கள் குணத்தை ஓரளவு அறியமுடியும். பாருங்கள் அத்தனைபேர் இருந்த இடத்தில் நீங்கள் மட்டும்தான் நிலைமையைச் சமாதானமாக்க முயன்று

கொண்டிருந்தீர்கள். நான் நிலைமையைச் சீர் செய்ய முயன்று கொண்டிருந்தேன். ஏனென்றால் நம் முன்னோர்கள் அப்படி.!” என்று சிரித்துக் கொண்டே போய்விட்டான்.இது என்ன புதிதாய் இருக்கிறதே என்று சற்றே ஆர்வம் அதிகமாகி முதன்முதலாய் விநோபா பாவே யார் என்றும் ரமொன் மக்சேசே யார் என்றும் தேடிப்

படிக்க ஆரம்பித்தேன்..

”மக்சேசே நாலு வருசம் கூட முழுதுமாய் பிலிப்பைன்ஸ் பிரசிடெண்டாய் இருக்கவில்லை. ஆனால், அவர் நாட்டுக்குச் செய்த அளவு நல்லதை வேறு யாருமே அவர்களுக்குச் செய்ததில்லை என்கிறது வரலாறு. அவர் ஒரு ஆட்டோ மெக்கானிக். மிலிட்டரியில் வேலை செய்தவர். கொரில்லா படை ஒன்றை

இரண்டாம் உலகப் போரில் வழிநடத்தியவர்.. ஆனால் அவரை அப்போதை விட, பதவிக்கு வந்தபிறகுதான் பிலிப்பைன்ஸ் தெரிந்து கொண்டது. நமது விநோபா கூட அப்படித்தான். சுதந்திரப் போராட்டத்தின் போது அவரைப் பற்றித் தெரிந்து கொண்டதைவிட சுதந்திரத்திற்குப் பிறகுதான் இந்தியா அதிகம் தெரிந்து கொண்டதாய்

சொல்கிறது நம் வரலாறு.மக்சேசே ஆண்ட நாட்கள் பிலிப்பைன்ஸின் பொற்காலம் என்றே சொல்லலாம். மிக எளிமையானவர். தான் மிகப் பெரிய பதவியில் இருந்த போதும் சாதாரணர் ஒருவர் இறந்தபோது அவருடைய உடலைச் சுமந்து போனவர் மக்சேசே. அப்படிப்பட்ட மக்சேசே ஆட்சியில்தான் வியாபாரம், தொழில், விளையாட்டு

எல்லாத்துலயும் புது ரத்தம் பாய்ந்து பிலிப்பைன்ஸ் முன்னேற ஆரம்பித்தது. பேஸ்கட் பால், பாக்சிங் என விளையாட்டில், அறிவியல் கண்டுபிடிப்புகளில் அவர்கள் பங்களிப்பு மிகப் பெரியது. இப்படி ராணுவம், ஆட்டோமொபைல் என்று மக்சேசே வளர்ந்திருந்தாலும் மக்கள் வளமா இருக்கச் சரியான தொழில் என்று

அவர் தேர்ந்தெடுத்தது விவசாயத்தைத்தான். அவருடைய ஆட்சியில்தான் நிலச்சீரமைப்பு சட்டம் மூலமாக நிறைய நிலத்தை ஏழை விவசாயிகளிடம் கொண்டு சேர்த்து, பல நீர் வழிகள் சரிசெய்யப்பட்டு விவசாயத்தை பெருக்கி இருக்கிறார் மக்சேசே.அதேபோல, சுதந்திரத்துக்குப் பிறகு காந்தியக் கொள்கைகளை மறந்து

அறிவியல் ஆயுதம் என்று இந்தியா தனது பார்வையைத் திருப்பிய போது, விநோபாவே கிராமம்தான் இந்தியாவின் முதுகெலும்பு என்று சொன்ன காந்தியின் வார்த்தைகளைப் பற்றிக் கொண்டு இந்தியா முழுவதும் பயணம் செய்து நிலம் உள்ளவர்களிடம் இருந்து கிட்டத்தட்ட 44லட்சம் ஏக்கர் நிலங்களைத் தானமாய்ப் பெற்று,

ஏழை விவசாயிகளிடம் கொண்டு சேர்த்து விவசாயத்தை பெருக்கும் பூமிதான இயக்கத்தை வழிநடத்தி இருக்கிறார். கிராமக் கைத்தொழிலைப் பெருக்க சர்வோதயா சங்கத்தை துவங்கி இருக்கிறார். தன்னை விட மிகச் சிறந்த காந்தியவாதி விநோபா பாவே தான் என்று காந்தியே சொல்லி இருக்கிறாராம்.

‘என்னுடைய எல்லா

முயற்சியும் இதயங்களை ஒன்றிணைப்பதுதான்’ என்று பயணம் கிளம்பிய விநோபா ஏறக்குறைய இந்தியா முழுவதும் பயணித்திருக்கிறார். கிட்டத்தட்ட மக்சேசே வாழ்க்கையும் அப்படிப் பட்டதுதான்.பிலிப்பைன்ஸின் ஜனாதிபதி ஆகி நான்கு வருடங்களுக்குள்ளேயே ஒரு விமான விபத்தில் அவர் இறந்துவிட்டார். ஆனாலும்

இன்றும் மக்கள் அவரை நன்றியுடன் நினைத்துக் கொண்டிருக்கிறார்கள். அவர் நினைவாக ஆசியாவின் நோபல் என்று சொல்லப்படும் மக்சேசே விருதுகள் பலதுறைகளில் மாற்றங்களை கொண்டு வருபவர்களுக்கு கொடுக்க முடிவு செய்த கொடுக்க ஆரம்பித்தபோது முதல் முறையாய் வாங்கியவர்களில் பிலிப்பைன்ஸ் தாண்டி

வெளிநாட்டிலிருந்து இந்த விருதை வாங்கிய முதல் நபர் விநோபா பாவே மட்டும்தான். அப்படித்தான் விநோபாவா பற்றி ஜெய்மருக்குத் தெரிந்திருக்கிறது.மக்சேசே மற்றும் விநோபா இருவருமே அறிவியலுக்கு எதிரானவர்கள் இல்லை. ஆனால் மக்கள் சுயமாய் நிற்க வளர்ச்சியை விட விவசாயம் தான் உதவும்னு

அவர்கள் நம்பியிருக்கிறார்கள். அதை அவர்கள் வாழ்நாளில் செய்தும் காட்டியிருக்கிறார்கள்.இதையெல்லாம் நான் அவனிடம் சொன்னபோது, ஜெய்மர் சிரித்தபடி தானும் ஒரு விவசாயக் குடும்பத்தைச் சேர்ந்தவன் தான் என்று சொன்னான். நானும் தான் என்று சொன்னதும் கேட்டான்.

”ஆக, நம் முன்னோர்கள் எல்லாம்

நாம் பெருமைப்படும்படித்தான் வாழ்ந்திருக்கிறார்கள். ஆனால், நாம் அவர்கள் பெருமைப்படும்படி வாழ்கிறோமா என்றால்… வாழவில்லைதானே.? காந்தி, விநோபா, மக்சேசே போன்றவர்கள் நம்பிக்கையத் தோற்கடித்து விட்டுத்தானே நாம் இங்கே வந்து நிற்கிறோம். விவசாயக் குடும்பங்களில் பிறந்து, வளர்ந்து,
படித்து முன்னேறிவிட்டோம் என்று நினைத்து விவசாயத்தைப் பற்றியே தெரியாமல் அழித்த முதல் பரம்பரை நம்முடையதுதான்… இல்லையா நண்பா.?” என்று நிஜமான வருத்தத்துடன் கேட்டான்.எனக்குத்தான் என்ன பதில் சொல்வதென்று தெரியவில்லை.!

எதிர்வினை!

    ஒருபக்க கதை!   .  சுரேஷ்ஸ்வாமி

“என்னங்க! நான் எங்க அம்மாவீட்டுக்கு போய் ஒருவாரம் இருந்துட்டு வரட்டுமா? போய் ஆறுமாசம் ஆகுது!” தேவி கேட்கவும்

  ”ஒருவாரமா? அதெல்லாம் வேண்டாம்! போனமா வந்தமான்னு காலையிலே போயிட்டு சாயந்திரம் கிளம்பிடலாம்! நானும் வரேன்!” என்றான் நந்தன்.

  ”ஏங்க பொண்ணுங்களுக்கு எவ்வளவு வயசானாலும் தாய்வீடுங்கிறது சொர்கம் மாதிரிங்க!நீங்க ஏன் அனுப்பவே மாட்டேங்கீறீங்க? அனுப்பினாலும் உடனே வந்துடனும்னு சொல்றீங்களே? உங்க அக்கா தங்கச்சியெல்லாம் இங்கே வந்து தங்கிட்டு போகலையா?”

    “அதனாலேதான் வேணாம்கிறேன்!”

 “என்னங்க சொல்றீங்க?” எங்க அக்கா தங்கச்சி வந்தா நீ என்ன சொல்றே?  வந்துட்டாளுங்க! குடும்பத்து சொத்தை அள்ளி எடுத்துட்டு போக! கல்யாணம் கட்டிகிட்டு போகும்போதே எடுத்துகிட்டு போனது பத்தலைன்னு அப்பப்ப வந்து மூட்டைக்கட்டிகிட்டு போறாங்க!” புருஷணுக்கும் பொண்டாட்டிக்கும் கோள்மூட்டி சண்டை மூட்டி விடறாளுங்க!” இப்படியெல்லாம் நீ புலம்பறே இல்லை?”

    ”ஆமாம்! அதிலென்ன தப்பு?”  “தப்பே இல்லைதான்!”  நீ இங்கே என் அக்கா தங்கச்சிகளை சொல்ற மாதிரி  அங்கே உன் அண்ணி உன்னை பத்தி அவ புருஷன் கிட்டே புலம்பலாம் இல்லையா? அது உனக்கு மட்டுமா  அசிங்கம்! கட்டின எனக்கும்தானே அசிங்கம்.! அதான் போக வேணாங்கிறேன்! போனாலும் உடனே திரும்பிடனுங்கிறேன்!” என்று நந்தன் சொல்ல, தன்வினையே தனக்கு எதிர்வினையாகி நிற்பதை கண்டு  பதில் பேச முடியாமல் நின்றாள் தேவி.

பாடல்கள் பலவிதம்! ”ப்ரணா

திரை இசைப்பாடல்களில் ஒத்த கருத்து உடைய பாடல்கள் ஏராளம்!  அத்தகைய பாடல்களை பிரபல கவிஞர்கள் தம் நடையில் வித்தியாசமாக எழுதி ரசிகர்களை மகிழ்வித்து கொள்ளை கொண்டிருப்பார்கள்.

பிரபல கவிஞர்கள் திரை இசையின் சிறப்பான கவிஞர்கள் திருமிகு கவிஞர் கண்ணதாசன், கவிஞர் வாலி, கவிஞர் வைரமுத்து தம் தம் காலகட்டங்களில் எழுதிய  ஒருமித்த சிந்தனை தரும் பாடல்களை பிரபல எழுத்தாளரும் கவிஞருமான தஞ்சை ப்ரணா இங்கே தொகுத்து வழங்குகிறார். வாசித்து மகிழுங்கள்!