86. சிறுகதை

86…   நந்து சுந்து

86

பாய்ஸ் ரீ யூனியன் இருக்கு. வர்ரியா?” என்றான் நண்பன் பிரபு.

பாய்ஸ் ரீ யூனியனா? கேர்ள்ஸ் கிடையாதா?” என்றேன்.

கேர்ள்ஸும் உண்டு

சரி. அப்போ வர்ரேன்

கும்பகோணத்தில் பள்ளியில் படித்த காலம் நினைவுக்கு வந்தது. Wait. நீ சேலத்தில் தானே படிச்சே? என்று கூவ வேண்டாம்.

கும்பகோணம் என்று தான் flash back ல் எழுத வேண்டும். Tourism map ல் பார்த்தால் கூட கும்பகோணத்தைப் பற்றி the most preferred flash back destination என்று தான் போட்டிருக்கும்.

ஒரு தடவை ஸ்கூலை போய் பாத்துட்டு வரலாமா?” என்று கேட்டான் பிரபு.

இருவரும் ஸ்கூலுக்கு போனோம்.

வாசலில் ஒரு செக்யூரிட்டி இருந்தார். 35 வயது இருக்கும்.

என்னடா நாம படிச்சப்ப இருந்த செக்யூரிட்டி தசரத ராஜ் இன்னும் இளமையா இருக்காருஎன்றேன்.

நான் தசரதராஜ் மகன் ராமராஜ். இப்போ நான் தான் இங்கே செக்யூரிடி

அப்பா எங்கே?”

போய் சேந்துட்டாரு..இப்போ சொர்க்கத்துல செக்யூரிட்டியா இருக்காரு

சொர்க்கமே என்றாலும் நம்மூரு செக்யூரிட்டி போல வருமா? ஏன் அவசரப்பட்டுப் போனார்

நாங்க ஸ்கூலுக்கு உள்ளே போய் பாக்கலாமா?”

இப்போ பசங்களுக்கு tik tok  time. பிஸியா இருப்பாங்க. நீங்க நாலு மணிக்கு மேல வாங்க

நான்கு மணிக்கு ஸ்கூல் உள்ளே போனோம். உள்ளே கால் எடுத்து வைத்ததும் ஜில்லென்று உணர்ந்தேன்.

டேய்..தேங்கியிருந்த தண்ணீல காலை வைச்சிட்டே..எடுஎன்றான் பிரபு.

நாங்கள் படித்த 10 C செக்ஷனுக்கு போனோம்.

இரண்டாவது வரிசை பெஞ்சில் போய் அமர்ந்தேன்.

இந்த பெஞ்சுல தான்டா எப்பவுமே உக்காந்துகிட்டு இருப்போம் …”

தப்பா சொல்றே. இந்த பெஞ்சுல தான் எப்பவும் நின்னுகிட்டு இருப்போம்

வாத்தியார் பாடம் நடத்தும் போது சீரியசாக டிஸ்கஸ் செய்து கொண்டிருப்போம். முன் பெஞ்ச் கேர்ள்ஸ்  கூந்தலில் இயற்கையாகவே பேன் உண்டா என்று விவாதித்துக் கொண்டிருப்போம்.

இதன் பலனாக எங்களை பெஞ்ச் மேல் நிற்கச் சொல்வார் வாத்தியார்.

கற்றலின் நிற்றல் நன்று என்று நாங்களும் ஏறி நிற்போம். Ariel view ல் பார்க்கும் போது கனகா கடலை மிட்டாய் சாப்பிடுவது தெரியும்.

சுந்தரி நமக்கு முன்னால பெஞ்சுல தான் உக்காந்திருப்பாஎன்ற பிரபு என்னையே பார்த்தான். சுந்தரி என்ற பெயரைக் கேட்டதும் ஒரு vibration உண்டானது. போன் vibration mode ல் ரிங் ஆனது.

நீ யாருக்கும் தெரியாம சுந்தரியை மூனு வருஷம் லவ் பண்ணே. எனக்குத் தெரியும்என்றான் பிரபு.

ஆம். ஒரு நாள் Black board ல் கூடராம் லவ்ஸ் சுந்தரிஎன்று யாரோ எழுதியிருந்தார்கள்

சுந்தரியின் முழுப் பெயர் கே.பி. சுந்தராம்பாள். கே.பி.எஸ் பாடல்களை அப்படியே பாடுவாள்.

வாத்தியார் சில சமயம் அவளைக் கூப்பிட்டு பாடச் சொல்லுவார்.

அவளும்சென்று வா மகனேசென்று வா..’ என்று பாடுவாள். வகுப்பில் இருக்கும் மாணவர்கள் எல்லாம் வெளியே சென்று விடுவார்கள்.

கே.பி.எஸ்ஸின் எல்லா பாட்டையும் சுந்தரி பாடினாலும்வெண்ணீர் அணிந்ததென்ன…’ பாட்டை மட்டும் பாடவே மாட்டாள்.

நான் எவ்வளவோ முறை கேட்டும் அவள் பாடவில்லை.

ஒரு முறை மன்த்லி டெஸ்ட் போது காப்பி அடிக்க அவளிடம் ஆன்ஸர் பேப்பர் கேட்டேன். அவள் கொடுக்கவில்லை. கோபத்தில் நான்கு அடிஷனல் ஷீட் வாங்கி 32 பக்கம் வெத்து பேப்பராக கட்டிக் கொடுத்தேன்

ஒரு வாரம் அவளுடன் பேசவில்லை. அவளும் பேசவில்லை. பிறகு நான் பேசப் போன போது ஒதுங்கிப் போனாள்.

இரண்டு வாரம் அழுதேன்.

மூன்றாவது வாரத்தில் சிரித்தாள். ஒரு வார்த்தை பேசினாள்.

பழம் நீயப்பா…’ என்று பாடி என்னுடன் பழம் விட்டாள்.

நாங்கள் இருவரும் லவ் செய்வது அவர்கள் வீட்டுக்கு தெரிந்து விட்டது.

அவ்வளவு தான். அவர்கள் அப்பா ஒரு பாடி கார்ட் மாதிரி அவளுடன் ஸ்கூலுக்கு வர ஆரம்பித்தார்.

காலை முதல் மாலை வரை ஸ்கூலில் வேப்ப மரத்தடியில் வெட்டியாக நின்று கொண்டிருப்பார். பால்காரர் பெரிய பால் கேனை சைக்கிள் பின் பக்கம் கட்டி வைத்து கொண்டு போவது போல சுந்தரியை சைக்கிளில் கட்டி வைத்து  கூட்டிப் போவார்.

சுந்தரியின் அப்பா தினமும் ஸ்கூலில் வந்து காத்திருந்ததில் ஒரு விபரீதம் நிகழ்ந்தது. சமூக நூல் டீச்சருக்கு அவர் நூல் விடுவதாக வதந்தி கிளம்பியது.

Toilet wall ல் இது பற்றி status update போட்டார்கள்.

அவமானம் தாங்காமல் சுந்தரியை இழுத்துக் கொண்டு வேறு ஊருக்கு போய் விட்டார் அவளின் அப்பா.அதன் பிறகு சுந்தரியை நான் பார்க்கவில்லை.

கண் மூடி அமர்ந்திருந்தேன்.

சுந்தரி இப்போ எங்கே இருக்கா?”

உகாண்டால இருக்கா..”

கேட்டதும் நான் செம காண்டுல இருந்தேன். என்னை ஏமாற்றி விட்டு போய் விட்டாளே..

சுந்தரி மீட்டுக்கு வர்ராளா?”

ஆமா..வர்ரா…”

கேட்டதும் காதில் இன்பப் பேன் வந்து பாய்ந்தது.

“Alumi meet எந்த ஹோட்டல்ல வைச்சிருக்கு?”

“Aluminium godown . ஹோட்டல்ல வைக்கறதுக்கு பட்ஜெட் உதைக்குது

சந்திப்பு நிகழும் நாள். பின்னால் போய் தனியாக அமர்ந்திருந்தேன். வாசலையே பார்த்துக் கொண்டிருந்தேன். சுந்தரி எப்போது வருவாள்?

Description: Image may contain: 1 person

அதோசுந்தரி வந்து விட்டாள்.

வெள்ளை சூடிதார் போட்டிருந்தாள்.

நான் அவளையே பார்த்துக் கொண்டிருந்தேன்.

பேசுடா…” என்றான் பிரபு.

சூடிதார் நல்ல வெள்ளையா இருக்கு. பொன்வண்டு சோப் உகாண்டால கூட கிடைக்குமா? ” என்றேன்.

சிரித்தாள். 86 ல் சிரித்த அதே சிரிப்பு

சுந்தரி இப்போ ஒரு பாட்டு பாடு..” என்றார்கள் அனைவரும்.

ஒன்றானவன் உருவில் இரண்டானவன்..’ என கே.பி.எஸ் பாட்டை பாடினாள். நான் என்  தொப்பையை பார்த்துக் கொண்டேன்.

சுந்தரி தனியாக வந்தாள்.

இப்பவாவது வெண்ணீர் அணிந்ததென்ன பாட்டை பாடக் கூடாதா?” என்று கேட்டேன்.

என்னைக்குமே பாட மாட்டேன். அதுக்கு பின்னால ஒரு சோக கதை இருக்கு. எங்க அம்மா வெந்நீர் அடுப்பு பத்த வைக்கறப்ப விபத்துல எரிஞ்சு செத்து போயிட்டாங்க. அதுலேந்து வீட்ல வெந்நீரே கிடையாது. காபி டிகாஷன் கூட பச்சைத் தண்ணீல தான் போடுவோம். அன்னைக்கு தான் வெண்ணீர் அணிந்ததென்ன பாட்டு பாடறதை நிறுத்தினேன்

ஸாரி. வெந்நீர் பின்னால ஒரு கண்ணீர் கதை இருக்கறது எனக்கு தெரியாதுசிறிது நேரம் வெந்நீர் ஆறட்டும் என்று காத்திருந்தேன்.

சொல்லுஉனக்கு கல்யாணம் ஆயிடுச்சா?”

இல்லை

ஏன்?”

இருபது வருஷம் முன்னால அப்பா எனக்கு மாப்பிள்ளை பாத்தாரு. செட்டில் ஆயிடுச்சு. ஆனா இன்னும் மண்டபம் கிடைக்கல்லேஉனக்கு கல்யாணம் ஆயிடுச்சா?” என்றாள்.

Description: Image may contain: 1 personஎனக்கும் 20 வருஷம் முன்னால பொண்ணு பாத்தாச்சு..ஆனா கல்யாணம் பண்ணி வைக்க  சாஸ்திரிகள் கிடைக்கல்லே..எல்லா சாஸ்திரிகளும் பிஸி

அப்படியா?”

ஆமா..இவ்வளவுக்கும் அது சாஸ்திரிகளோட பொண்ணு தான்

சுந்தரி விரக்தியாக சிரித்தாள்.

திடீரென நான் கேட்டேன்.

நாம ரெண்டு பேரும் கல்யாணம் பண்ணிகிட்டா என்ன? மண்டபம் கூட வேணாம். எனக்குத் தெரிஞ்ச போலீஸ் ஸ்டேஷன் ஒன்னு இருக்கு. நல்லா நடத்தி வைப்பாங்க..”

நம்ம ரெண்டு பேருக்கும் கல்யாணமா? அது முடியாதுஎன்றாள்.”ஏன்?”

அங்கே யார் வந்திருக்காங்கன்னு பாரு..”

பார்த்தேன்.

அவளின் அப்பா நின்று கொண்டிருந்தார்.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: