Category: கவிதை

எதிர்வீட்டு வாசலில்

அந்த பூம் பூம் மாட்டுக்காரன்

மாட்டிடம் இப்படி

கேட்டுக் கொண்டிருந்தான்….

அம்மாவுக்கு

நல்ல காலம் பொறக்குமா…?

என ஆரம்பித்து

அம்மா புது வேட்டி சட்ட…

பணம் கொடுப்பாங்களா…?

இப்படிக்கேட்ட அஞ்சாறு

கேள்விக்கும் அசராமல்

தலையாட்டியது மாடு….

எல்லாம் கிடைத்து விட்டது_

போன்ற திருப்தியில்

எதிர் வீட்டுக்காரி

இருந்தை அள்ளிக் கொடுத்தாள்….

ஒரு வகையில்

பூம்..பூம் ..மாடும்

சில குடும்பங்களும்

ஒன்றுதான்….

அவள் 

சொல்லும் போதெல்லாம்

அவன் தலையாட்டுவதும்…

அவன்

சொல்லும் போதெல்லாம்

அவள் தலையாட்டுவதுமாய்…

இருவருக்குள்….

இருப்பதை 

கொடுத்து விடுவதால்…

அறுபதிலும் தாம்பத்யம்

தடம் புரளாமல் போகிறது…!!!

ஆக்கம்: கவிஞர்.எல்.இரவி.

 (சுழற்சி)
—————-
பட்டி ஆடு விற்று
பட்டப் படிப்பு
படிக்க வைத்த
அப்பாவை
கடைசியில்
கஞ்சி ஊற்றி
காப்பாற்ற
பத்து ஆடு
மேய்க்கும் வேலை
எனக்கு

(யார் தெய்வம் )
—————————
எல்லா தெய்வங்களையும்
தனக்கு துணை இருக்க
வேண்டிக்கொண்டான்
பெற்றவர்களை
முதியோர் இல்லத்தில்
விட்டவன்  

கல்யாணமந்தை, தா.சரவணன், 

மழைத்தடம்..

நீ பொழிந்ததற்கான

தடம்

காலைவரை கூரையிலும்

நாளைவரை சாலையிலும்..

அதன் பிறகுமென்றால்

என் நினைவுகளாய்

சொட்டிக்கொண்டுதானிருக்கும்

செம்பா, திருச்சி 

வாள் விழிகள்

உன் கண்களுக்குள்

ஒளித்து வைத்திருந்ததை

என் கண்கள்

கண்டுபிடித்துவிட

நடந்த கத்திச்சண்டையில்

யார் வென்றது

யார் தோற்றதென்று தெரியாமல்

பரிசை தட்டிச்செல்கிறது

நம் காதல்!

செம்பா,திருச்சி

தொன்மைமிகு செம்மொழித் தமிழ்

மேன்மையுறு இலக்கியத் தடங்கள்தோறும்

கடைச்சங்க நூல்கள் செப்புகின்ற

தமிழர்தம் வாழ்வுதனை நன்கறிந்தோம் !

குறள் கூறும் வாழ்வியலில்

குன்றமெனத் தமிழர் மாண்பு 

ஈராயிரம் ஆண்டுகளாய் இத்தரையில் 

முத்திரைப் பதித்ததை நாமறிந்தோம் !

இரட்டைக் காப்பியங்கள் மானுடத்தின்

அகக்கண்ணைத் திறந்துவைத்து

அறிவார்ந்த சிந்தனையை மண்மீது

பரவவிட்டச் செய்திகளை மறப்போமா?

இன்றளவும் செம்மொழியில் வரிவடிவம்

பரிணாம வளர்ச்சியில் புகழீட்டி

பூலோகம் குரலெழுப்பும் வாழ்த்தொலியால்

புவிமாந்தர் மகிழ்வெய்தி திளைக்கின்றார் !

இலக்கிய நூல்களின் சீர்மிகு வரிகளை

ஒலிவடிவம் சிதைக்காது போதித்து

சொற்சுவையும் பொருள்சுவையும் குன்றாது

இக்காலத் தலைமுறையை வாழ்விப்போம் !

 ….கா.ந.கல்யாணசுந்தரம் 

வெ. ஹேமந்த்குமார் கவிதைகள்

ஊரடங்கில் தனியுலகம்!

*****************************

விலகியிருங்கள் என்றார்கள்!

முன்பே, நான்

அவர்களை விட்டு

மனதளவில் விலகியிருந்தேன்;

வீட்டிலிருங்கள் என்றார்கள்!!

இன்றும் நான்

அதே வீட்டில் தான்

பசித்து, தனித்திருக்கிறேன்;

அறிவுரைகள் கூறியவர்கள்,

அச்சுறுத்தவும் செய்தனர்;

தனிமை தண்டனை என்றனர்;

வீட்டை சிறை என்றும்

இருளின் அறை என்றும்

புலம்பித் தீர்த்தனர்…

ஆனால், நான்

நேர்மறை எண்ணமுடையவன்:

என் கண்களை மூடினால்,

கனவில்

ஓர் உலகில் வாழ்வேன்;

நான் புத்தகத்தைத் திறந்தால்,

மூளையால்

ஓர் உலகிற்கு செல்வேன்;

மெல்லிசையைக் கேட்டால்,

செவிகளால்

ஓர் உலகிற்குள் கரைவேன்;

இவையனைத்தும்

எனக்குள் இயங்கும்

வெவ்வேறு உலகங்கள்.

என்னை எங்கே புதைத்தீர்களோ,

அங்கிருந்தே

மீண்டும் எழுவேன்:

ஒரு புது மனிதனாக,

பெரும் சிந்தனையாளராக,

மாபெரும் விடிவெள்ளியாக;

தனியுலகம் படைக்கிறேன்,

இத்தரணியில்!

வாழலாம் வாருங்கள்,

புதுக் கவிதையில்!!

(வெ.ஹேமந்த் குமார், ஈரோடு)

சுடு)காடு

**************************

இயற்கையோ

எங்களுக்கு கொடுத்தது,

ஒரு முத்தம்!

நாங்களோ

இயற்கையோடு நடத்தினோம்,

ஒரு யுத்தம்!!

நம்பிக்கை துரோகிகளாக

இயற்கையை வென்றோம்;

வனவிலங்குகள்

அத்துமீறல் என்று

அவற்றையும் கொன்றோம்;

நவீனமாக

மாசுபடுத்திய காற்றே

எங்களுக்கு

உயிர்குடி விஷமானது,

நாங்கள் வெட்டிய

மரங்களின் இரத்தம்

செக்கச்சிவந்த ஆறானது.

தோல் போர்த்தி

உடல் மெலிந்த நாங்கள்,

நடைபிணங்கள்;

இன்னும்

மனித வேட்டையில்

இயற்கையின் ஆன்மா…