குறும்பா கூடம்!

உறங்கா இரவுகளில்
ஜன்னலுக்கு வெளியே நிலா
காவலெனவும், காதலெனவும்…

– வத்திராயிருப்பு தெ.சு.கவுதமன்

எந்த மேகத்திலிருந்து
கசியுமோ
முதல் துளி…

– வத்திராயிருப்பு தெ.சு.கவுதமன்

நீரில் மிதக்கும் பூக்கள்

நதியில் கரைகிறது

இறப்பின் துயரம்

 ச.கோபிநாத் சேலம்

அமைதியான நதியில்

மெல்ல நகரும் படகு

வேடிக்கை பார்க்கிறது குருவி!

ச.கோபிநாத் சேலம்

அடித்து அடித்து எழுதியும்
கண்ணீர் சிந்திடவில்லை
காகிதம்!

அ.வேளாங்கண்ணி

தூர விலகி கலைத்துப் போட்டது
ஜன்னல் வரைந்த ஓவியத்தை
சூரியன்!

அ.வேளாங்கண்ணி

கடனெடுத்து கட்டிய வீடு,
புதிதாக குடிவந்திருக்கிறார்கள்;
நடுத்தெருவுக்கு!

அன்ஸார் எம்.எல்.எம்

நல்ல மழை,
நிரம்பி வழிகிறது குளம்;
தவளைகள் சத்தத்தால்!

கூழாங்கல்லின் அடியில் 
படபடக்கிறது
சுதந்திர தின கவிதை…

ஐ.தர்மசிங்

விவசாயியின் வறுமை
அரிசியாக மாறுகிறது
விதை நெற்கள்…

ஐ.தர்மசிங்

மவுனப்பொழுது!
முள்ளாய் குத்துகிறது!
கடிகாரத்தின் ஓசை!

தளிர் சுரேஷ்.

உருப்போட்டு முடித்ததும்
     சில்லறை விழுகிறது!
   நடைபாதை ஓவியன்!

தளிர் சுரேஷ்.

வெண்மேகம்
காளான் குடையானது
இலையுதிர்ந்த மரத்தின்மேல்

சா.கா.பாரதி ராஜா, 

தூண்டிலைக் கடித்துக் கொண்டே
கரையேறாமல் நீந்துகிறது
வானில் பட்டம்

சா.கா.பாரதி ராஜா, 

ஹைக்கூ சிறப்பிதழ்

தாயின் புதைகுழி
தொட்டுத் தொட்டுப் பார்க்கிறேன்
பூத்திருக்கும் செடி…

தமிழ் தம்பி

எறும்பு தவறி விழுந்ததும் /
ஆகாயம் கலங்குகிறது /
கிணற்றுக்குள் தவளை

எம்.ஜெகன் ஆண்டனி.

சிதிலமடைந்த சிலை/
பாதுகாப்பாக இருக்கிறது/
பறவையின் குடும்பம்

-சாண்டில்யன் விவேகானந்தன்

குறும்பா கூடம்!

தரையில் காலூன்றும்/
நம்பிக்கையில் தொங்குகின்றன/
ஆலம் விழுதுகள்

-சாண்டில்யன் விவேகானந்தன்

சுவரேறிய எறும்பு
கிணற்று நீரில் தத்தளிக்கிறது
ஒற்றை இலை.

கவி நிலா மோகன்.

குடமுழுக்கு நடக்கின்ற

கோயிலுக்கு அருகில்

கூரையில்லாப் பள்ளிக்கூடம்

ஸ்ரீநிவாஸ் பிரபு கவிதைகள்

தேநீர் குவளையில்
பூக்களைச் சேமித்தேன்
பட்டாம்பூச்சிகளின் வருகை
….

  • திடீர் மழை

ஒதுங்கி நிற்க

குடைபிடிக்கிறது கோயில் மணி

  • ஈ பறந்து போகிறது

தேனீர் கோப்பை விளிம்பில்

காலடிக் கோடு

  • கடந்து போன பிச்சைக்காரன்

கூடவே வருகிறான்

முகத்தில் பசி வரிகள்

  • தோன்றி மறையும் நேரத்துள்

பால்யம் கூட்டிச் சென்று திருப்புகிறது

                வல்லமை வாய்ந்த வானவில்

தொடர்வண்டியில்

எனை ஏற்றிவிட்டு

எதிர்காற்றை கிழித்தபடி

தொடர்ந்து ஓடிவரும்

உன் காலடித் தடங்கள்

சொல்லாமல் சொல்லிப்போகிறது

என் மீதான உன் ப்ரியங்களை!

                    – தனுஜா ஜெயராமன்.

வெள்ளம் வடிந்த
ஆற்றின் படித்துறையில்
பறவைகளில் கால்தடங்கள்!

-ஹைக்கூ உமா

ஏரியில் மீன்பிடிக்க
மணம் வீசுகிறது
கரையில் பூத்த தாழம்பூ.

Ji. அன்பழகன்.

பூ விழுந்ததால்
தலை விழுந்தது
ரவுடி சுண்டிய நாணயம்
புது வண்டி ரவீந்திரன்

இங்குமங்குமாய் ஒரு எறும்பு
பிடிபடாமல் ஆடிக் கொண்டிருக்கிறது
இலையின் நிழல்

– கி.கவியரசன்

பயமுறுத்தும்
சோளக்கொல்லை பொம்மை
வட்டமடிக்கும் பட்டாம்பூச்சி.!ஜவஹர்.ப்ரேம்குமார். பெரியகுளம்

ஷர்ஜிலா யாகூப் கவிதைகள்!

1#

பனித்துளியா மழைத்துளியா?

முகப் பருக்களுடன் 

அதிகாலைப் பூ

2#

பிரித்த பின்பும் விரல்களை 

விட்டுச் செல்ல தாமதிக்கிறது

பட்டாம் பூச்சி 

3#

பனித்துளிகளை

கோர்த்து விளையாடும்

அருகம்புற்கள்

4#

எறிந்த புழு

விரல்களை விடாமல்

மலரின் வாசம்

5#

சேகரித்த கூழாங்கற்கள்

பாதங்களை கடித்த படி

மீன் குஞ்சுகள்

6#

அலைப்பேசியில் புத்தகம்

படிக்க பக்கமெல்லாம் 

பறவையின் வாசம்

7#

காற்றுக் குமிழி 

உடைத்ததும்

சண்டைக்கு வருகிறாள்

மகள்

8#

பிரித்த பின்பும் விரல்களை  

விட்டுச் செல்ல தாமதிக்கிறது

பட்டாம் பூச்சி

ஷர்ஜிலா யாகூப். கம்பம்.

குறும்பா கூடம்!

வெட்டி வைத்த பழத்தை

மொய்க்கும் ஈக்கள்

திசையெங்கும் ரீங்காரம்.

விளக்கின்றியும் ஒளிவிசீயது

ஒற்றையடிப் பாதை

முழுமதி நாள்

கோடை இதமானது

கொட்டிக் கிடக்கும் மணல்

அயர்ந்துறங்கும் நாய்.

சுத்தமான காற்று

சுவாசிக்க தடையானது

முகக்கவசம்.       

வகுப்பறை ஜன்னல்

வந்து வந்து போனது

நேற்று பார்த்த குருவி.

கவிஞர் ச.கோபிநாத்

சேலம்

8438256235

  தூங்கும் மேய்ப்பனை
விழிக்கச் செய்கிறது
ஆட்டின் மணியோசை. 

 ஜி, அன்பழகன்,

அழைப்புமணி பொத்தானை
ஒவ்வொரு முறை அழுத்தும்போது
ஒவ்வொரு பறவையின் ராகம்.

ச.ப. சண்முகம்

 அவ்வப்போது மனித நடமாட்டம்
கரடுமுரடான நிலப்பரப்பில்
அழகான புதிய பாதைகள்!
@
எத்தனையோ ஏமாற்றங்கள்
பொருட்படுத்தாது கடந்துபோகும்
அன்றாடங்காய்ச்சிகள்!
@
சாப்பாட்டு நேரம்
வாசலில் காத்திருக்கும்
தெருநாய்!
@
சிற்பக்கலை கூடம்
விற்பனைக்கு காத்திருக்கும்
கடவுள் சிலைகள்! 

  -மாதவன்.

பிடித்த தட்டானை
பறக்கவிட்டு மகிழ்கிறது
மாற்றுதிறன் குழந்தை..!!

...மகிழ்நிலா தந்தை
 

இங்குமங்குமாய் ஒரு எறும்பு
பிடிபடாமல் ஆடிக் கொண்டிருக்கிறது
இலையின் நிழல்

– கி.கவியரசன்

 எரியாத தெருவிளக்குகள்
வெளிச்சம் போட்டு காட்டியது
கும்மிருட்டு.
புது வண்டி ரவீந்திரன் 

 நாசியில் மண் வாசனை
வந்துகொண்டிருக்கிறது
தூரத்தில் மழை
புது வண்டி ரவீந்திரன் 

இலக்கில்லாமல் பயணித்தது
காற்றின் திசையில்
சருகு.

 திறந்துவிட்டார்கள்
உள்ளே புகுந்து கொண்டது
போதை..! 

 ”மதுவெள்ளம்”
 அடித்துச்செல்லப்பட்டன.
அடித்தட்டு குடும்பங்கள்! 

  • தளிர் சுரேஷ்

வறுமையின் நிறத்தை
கோடிட்டு காட்டுகிறது
ஊரடங்கு…

வே.புனிதா வேளாங்கண்ணி.

கழுத்து நீண்டு
தழை பறிக்கும் ஓட்டகம்
முதல் கடவுள் நம்பிக்கையாளன்

….க .புனிதன்

சொந்த வீடு கட்டியது
குருவி
நான் வசிக்கும்
வாடகை வீட்டில்

#அன்புக்குமரன்

நிழலில் நான்
சுடும் வெய்யிலில்
மரம்

#அன்புக்குமரன்

குறும்பா கூடம்!

குறும்பா கூடம்!

பறவை!

பறவைகளைவிட

வேகமாகப் பறக்கும்

மனசின் கற்பனைகள்!

        சுதந்திரம்!

என்னவென்று தெரியாமலே

சுதந்திரமாக இருக்கிறார்கள்

குழந்தைகள்!

            முயற்சி!

நாம் முயற்சி செய்யும் வரை

நம் நம்பிக்கைகள்

நம் கதவைத் தட்டுவதில்லை!

முத்து ஆனந்த்.வேலூர்

வெட்டும் மரம்
தடம் தெரியாமல் போகிறது
பறவையின் சத்தம்.

த.அதியமான்

கோழி கூவும் நேரம்
நிறங்களைப் பெரும்
மலர்ந்த பூக்கள்.

ஜி, அன்பழகன்.

.யார் எறிந்த மத்தப்போ
கீழிறங்குகிறது
மின்னல்வெட்டு

2.போதைக்கு
இறப்பு நிச்சயம்
கள்ளுப்பானையில் ஈ

3.எல்லாம் வல்ல இறைவன்
எப்போதும் வெளிவருவதில்லை
போட்டோ பிரேமுக்குள்ளிருந்து

4.கயிற்றில் கட்டிய மாடு
எத்தனைமுறை அசைபோட்டதோ
காட்டில் வாழ்ந்த அனுபவங்களை

5.விளக்கருகே
இறந்த பூச்சி
கடைசியாகவும் அழகாகப் பறந்தது

#பிறைநிலா 
பொள்ளாச்சி

கொட்டும் மழை
குளத்திற்கு வந்துவிடும்
நீருடன் வானம்!

வெட்டுண்ட மரத்தடியில்
அப்படியே கிடக்கும்
உதிர்ந்த பறவைகளின் இறகுகள்!
*
மழைப் பெய்ததும்
குட்டைக்கும் வந்துபோகும்
பௌர்ணமி நிலா!

மாதவன்,

செடியில் பூக்கள்

அதிக எண்ணிக்கையில்

 ஊறும் எறும்புகள்

….. தட்சணா மூர்த்தி

தொடர் மழை
கண்ணீர் சிந்தியபடி..
சோளக்காட்டு பொம்மை.  

த.அதியமான்.

முகம் பார்க்கும் கண்ணாடி
பேசத் தொடங்கியது
பிம்பத்துடன் குழந்தை!

-சு.கேசவன்

தந்தையை முன்னமர்த்தி
மகள் வரைகிறாள்
கடவுள் ஓவியம்

-பட்டுக்கோட்டை பெ மூர்த்தி

பிள்ளையும் கிள்ளிவிட்டு
தொட்டிலையும் ஆட்டுகிறது
இயந்திர பொம்மை

-ஹிஷாலி!

யாருமற்ற பாதை
வழிகாட்டிப் போகிறது
எறும்புக் கூட்டம்
***
நாளையும் வருவேன்
உறங்கச் செல்
நம்பிக்கை பாடமாக சூரியன்
**
விழித்திருந்த நாளில்
கூடை நிறைய பூக்கள்
வானில் நட்சத்திரங்கள்
**
யாரையோ தேடுகிறது நிலா
வனமெங்கும் உதிர்ந்த இலைகள்
பின் தொடரும் சூரியன்
***
க.அம்சப்ரியா

காற்று சற்றே//
வேகமாகவீச கிளையில்//
பறவையென பறந்தமர்கிறது//
வெண்ணிற நெகிழிப்பை..!

#ஆர்_ஜவஹர்_பிரேம்குமார்,
#பெரியகுளம்.

கண்மூடா சூழலில்
கனவிலின்றி நனவிலும்..
சுற்றிவரும் தேவதைகள்..!

#ஆர்_ஜவஹர்_பிரேம்குமார்,
#பெரியகுளம்.

பம்பரக்கண்கள்
பார்வை சாட்டை
சுழலுவது நான்.
புது வண்டி ரவீந்திரன்

பக்தர்களின் தரிசனத்திற்கு
காத்திருக்கின்றன
கோவில்களில் தெய்வங்கள்
புது வண்டி ரவீந்திரன்

சத்தியமாய் தேவை சமூக இடைவெளி.
இல்லை என்றால் உறுதி
காதல் தொற்று

.புது வண்டி ரவீந்திரன்

குறும்பாக் கூடம்!

வழக்கத்திற்கு மாறாகக்

காக்கையின் இரைச்சல்

வாசலில் மரணச்செய்தி

ஹிஷாலி, சென்னை…

ஆடை விழுந்த தேநீர்

உதறித் தள்ள முடியாமல்

ஒரு பிடி தகர்த்து அருந்துகிறேன் !

ஹிஷாலி, சென்னை…

இயேசு காவியம்

சிலுவை சுமக்கும்

எட்டுக்கால் பூச்சி …!

ஹிஷாலி, சென்னை…

எலியும் பூனையும்

ஒரே வீட்டில் நாயுடன்

விளையாடும் குழந்தை

ஹிஷாலி, சென்னை…

பூனைக்கு முத்தம்

கொடுக்கையில்

ஈரமானது விழி

ஹிஷாலி, சென்னை…

தண்ணீர் ஊற்றாத மரத்தில்

வருடம் தோறும்

பூக்கிறது காய்க்கிறது மாங்காய்

ஹிஷாலி, சென்னை…

வெறிச்சோடிய நிலம்

கூடி இரைதேட

குருவிகள் இல்லை

ஹிஷாலி, சென்னை…

நடந்தால் கால் வலிக்கும்

கொஞ்சம் அமர்ந்து விட்டுச்

செல் என்றது நிழல் !

ஹிஷாலி, சென்னை…

பழங்களைத் தின்ற

நன்றிக்காக விருட்சங்களை

விதைக்கும் பறவை .

ஹிஷாலி, சென்னை…

சாண் ஏற
முழம் சறுக்கும்
பூக்காரியின் வாழ்க்கை..!

-சு.கேசவன்

சிறகு விரிய விரிய
அழகாகிறது
தூரத்தில் காகம்!

-சு.கேசவன்

பூட்டிக்கிடக்கும் ஆலயம்
உள்ளே போய் திரும்புகிறது
அலைபாயும் மனம்

வேலூர் இளையவன்.

அழகிலும் குறை உண்டு
மீதி தெரிவதே இல்லை
அந்த வானவில்

வற்றிய குளத்தில்
ஓசை இழந்து போனது
தாவி குதித்த தவளை
…கவியாசகன்..

…கவியாசகன்.

தனிமைபடுத்திக் கொண்ட பின்
கூட்டம் கூட்டமாக
வீட்டினுள் நுழையும் எறும்புகள்!!!

– கி. கவியரசன்

இளம் அரும்புகள்/
கொஞ்சம் கொஞ்சமாகக் காய்க்கும்/
மிதிபட்டு வதங்கும் கொடி/

முனைவர் ம.ரமேஷ்

பூக்கடைச் சந்து
நாற்றம் அடிக்கும்
தேங்கிய மழைநீர்.

குழந்தை வளர
மெல்ல ஊமையாகும்
பொம்மைகள்.

ஜி. அன்பழகன்.

பேருந்துப் பயணம்
பார்த்ததும் சிரிக்கும்
முன்னிருக்கையில் குழந்தை!

இளைப்பாற்றும் மரநிழல்
அடிக்கும் காற்றில் சலசலக்கும்
உதிர்ந்த சருகுகள்!

மாதவன்.

குறும்பா கூடம்!

)

அரைகுறை ஆடையுடன்

திரிந்துகொண்டிருக்கிறது

அடுப்பில் பால்

2)

சிவப்பு எச்சரிக்கை
ஊருக்குள் நுழையவில்லை
மழை

3)

விதையின் தாகம் தீர்க்கிறது
குடை மேல்படாத
மழைத்துளி


4)
தனது இறுதி ஊர்வலத்தை
கவிதையாக்கிப்போகிறது
சருகொன்று..

செம்பா
திருச்சி

அடர்ந்த வனம்

வெறுமையாக காட்சி தரும்

பகல் நிலவு

ஒரே ஒரு பூவில்

பல வண்ண வண்டின்

நாட்டிய அரங்கேற்றம்

பழைய தோட்டம்

நிறைய வீடு வந்ததும்

பசுமை தோட்டம் !!!

இறுதி ஊர்வலம்

பூக்களால் அலங்கரிக்கப்பட்ட

பல்லக்கில் விதவை

அரை முழுவதும்

பணத்தின் வாசனை

வாசலில் கடன்காரன்

ஹிஷாலி, சென்னை.

அடுக்குமாடி வீடு

அழகாய் இருந்தது…

குடிசையின் படம்!

பொங்கல் வைக்க

பானை வைக்கிறான்..ஏழை,

அடகுக் கடையில்!

மு.முபாரக்

முதுநிலை எழுத்தர்,

எண் 273 வாளாடி கூட்டுறவு வங்கி,

வாளாடி,

கடும் வறட்சி
வான்நோக்கி கையேந்தும்
பப்பாளி இலைகள்.

வாண வேடிக்கை
காதை அடைக்கிறது
வயிற்றுப் பசி.

-ஜி.அன்பழகன்,

மரம் பார்க்கும் வியாபாரி
வட்டமிடும் தாய் பறவை
கூட்டில் குஞ்சுகள்.

-சு.கேசவன்

தூர்வாரிய கிணறு
புது உலகம் காணும்
தவளைகள்
-கவியாசகன்…

நள்ளிரவு வேளை
வெடிச்சத்தம் ஓய்ந்ததும் கேட்கிறது
பறவைகளிள் ஓலங்கள்.

-ச.ப.சண்முகம்…

சிக்கிய திருடன்
பிணக்கூறு அறிக்கையில்
வெறும் வயிறு!

சிரித்துப் பேசும்
முதியவர் கையில்..
மரப்பாச்சி பொம்மை.! – விஜயகுமார் வேல்முருகன்.

இலையுதிர்ந்த மரத்தில்
குறுக்கும் நெடுக்குமாக
சிலுவைகள்……..

ஷர்ஜிலா யாகூப்

பௌர்ணமி இரவு
நிலவைத் தொட்டுவிடும்
குளக்கரை மரம்

முஹமத் இஸ்ரத் இம்ரஷா

இறந்த மீனின்
கண்களில் தெரிகிறது
கடலின் ஆழம்..!

வறண்ட குளம்
நிரம்பி கிடக்கிறது
கொக்கின் கால் தடங்கள்..!

வே..மு.ஜெயந்தன்.

பெரிய மதில்சுவர்
பின்னால் தான் இருக்கிறது
அழகான பூந்தோட்டம்

தட்சணாமூர்த்தி

போணியாகாத சோகம்
புலம்பியபடியே வீடு திரும்புகிறான்
அதிர்ஷ்டகல் வியாபாரி

பட்டுக்கோட்டை பெ மூர்த்தி

துரத்தும் வெயில்
எறும்புகளை கூடவே இழுத்துச் செல்கிறது
நிழல்.

கவி.விஜய்.

விரைந்திடும் சுருக்கு
உயிர் பயத்தில் ஓணான்
காப்பாற்றும் மழை

புத்தர் கோவில்
அலையும் பட்டாம்பூச்சி
அமர்கிறது அமைதி
கன்னிக்கோவில் இராஜா

பனி மூடிய மலை
சில்லிட வைக்கிறது
ஒரு கோப்பை தேனீர்….

உறையூர் வா.மகேஷ்.

நன்றி: ஹைக்கூ உலகம் முகநூல்பக்கம். முனைவர் ம.ரமேஷ்.