சாம்பவி சங்கர்
கண்ணாடி பிம்பங்கள்
**************************
மனிதர்கள் மட்டுமல்ல சூரியனும் வேகமாக ஓடிக்கொண்டிருந்தான் எங்கே சிக்னலில் மாட்டிக்கொள்வோமோ என்று பயந்து ..
அந்த பரபரப்பான காலை ,, 8 :00 , மணி எனக் காட்டியது
கொரோனாவைவிட வேகமாக ஒவ்வொரு வீட்டிலும் டென்ஷன் தொற்றிக்கொண்டிருந்தது , பள்ளி , காலேஜ் , ஆபீஸ் இப்படி ஓட வேண்டிய இடங்கள் நிறைய இருக்கும் .
மென்பொருள் நிறுவனங்களின் கூடாரமாக இருக்கும் .நகரின் ஒரு பகுதியில் , இரண்டு படுக்கையறை கொண்ட ஒரு வில்லாவில் ஒரு அறையில் இருந்து ,
ச்..ச்..ச்..என்று ஒரு பெண் உச்சுக் கொட்டும் சத்தம் கேட்டது ..
பவி ரீ ரெக்கார்டிங் வாசிக்காம அந்த ஸ்டிக்கர் பொட்டை பிய்த்து எடுக்க முடியாதா ..என்ற ரமேஷ்
ஏன் தான் எல்லா லேடீசும் ஸ்டிக்கர் பொட்டு வைக்கும் போது இப்படி ஒரு சத்தம் தர்ராங்களோ என்று சலித்துக்கொண்டான் .
பவி திரும்பி முறைத்தாள் ,..அந்த பார்வையின் அர்த்தம் அதெப்படி எல்லா பெண்களையும் பற்றி தெரியும் என்பதாகும் .
முறைக்காத பவி , உன் நாத்தனார்களைச் சொன்னேன் என்று சமாளித்தான் .
பவி மட்டும் லேசானவளா ,
நான் எங்க முறைச்சேன் சும்மா பார்த்தேன் என்று புன்னகைத்தாள் .
சரிங்க நான் கிளம்பறேன் என்ற பவியை , ஏற இறங்க பார்த்தான் ரமேஷ் .
தழைய கட்டிய சில்க் காட்டன் புடவை , லூசாக பின்னப்பட்டிருந்த பின்னல் , அதில் மல்லிகைப் பூ , நெற்றியில் மெல்லிய சந்தனக்கீற்று அதன் மேல் அதனினும் மெல்லிய குங்குமம் , பேரழகி என்று சொல்ல முடியாது , அழகில்லை என்று சொல்ல முடியாத ஒரு அழகி ..
என்னங்க ஆச்சு அப்படி பார்க்கறீங்க , என்று ரமேஷை உசுப்பினாள் பவி .
நானும் 10 வருடமா ட்ரை பண்றேன் உன்னை மெட்ராஸ் பொண்ணா மாத்தனும்னு , நீ இன்னும் அதே நாட்டார்மங்கலமாகவே இருக்கியே அதான் பார்க்கிறேன் என கிண்டலடித்தான் ரமேஷ் .
அதற்குள் கேப்ஸ் சத்தம் கேட்டது . பவி எல்லாருக்கும் பை சொல்லிவிட்டு வேகமாக ஓடி ஏறினாள் .
ரமேஷ் பிங்க் கலர் ஷர்ட் , நீல கலர் ஜீன் அணிந்து கிளம்பினான் .
ரமேஷ் ஒல்லிக்கும் ,குண்டுக்கும் இடைப்பட்ட உருவம் , தாடியில் வரைந்த முகம் , கணகளை அழகாக்கும் கண்ணாடி , ரமேஷின் ஸ்பெஷலே அவன் குரல் தான் , மறுத்து பேச முடியாத தொணி .
.அவன் வேலை செய்வது , துரைப்பாக்கத்தில் ,கார் கம்பெனியில் ,
பவி வேலை செய்வது கந்தன் சாவடி மென் பொருள் நிறுவனத்தில்
, பவி ஆபீஸை தாண்டி தான் போகவேண்டும் என்றாலும் , இருவருக்குமான நேரம் செட் ஆகலைன்னு தனித்தனியாக செல்கிறார்கள் .
பவி வேகமா வந்து அவள் கேபினுக்குள் நுழைந்தாள் , கடிகாரம் சரியாக தன் கடமையைச் செய்தது , 9:30 மணி .
பககத்து கேபினில் இருந்து நிஷா , பதற்றமாக வந்தாள்
பவி ..பவி .என் கண்ணாடி மறந்து வந்துட்டேன் பா , என்ன பண்றதுன்னு தெரியலை என்றாள் நிஷா .
ரைட் காலையிலேயே நீ பிள்ளையார் சுழியா ..இன்றைய பொழுது அவ்வளவு தான் என்று இழுத்தாள் பவி .
சரி உங்க வீட்டுகாரருக்கு போன் பண்ணி எடுத்துவரச் சொல்றதானே ,..என்ற பவிக்கு ,
போனையும் சேர்த்து இல்ல வச்சிட்டு வந்துட்டேன் என அசடு வழிந்தாள் நிஷா .
மோகன் அண்ணா உனக்கு கோயில்கட்டி கும்பிடனும் , என் தோழியைக் கட்டிகிட்டு காலந்தள்றதுக்கு என கிண்டலடித்தாள் பவி .
சரி போன் பண்ணி , கண்ணாடியும் போனும் எடுத்து வரச்சொல்லுன்னு போனைக் கொடுத்தாள்
பவி .
ரிங் போனது ..மோகன் போனை எடுத்ததும் , எங்க இருக்க ,என்று கேட்டாள் நிஷா,..
வீட்ல தான் என்ன விசயம் ,என்ற மோகனிடம் ,
என் கண்ணாடியும் போனும் மறந்து வச்சிட்டேன் எடுத்துட்டு வா ,என்று நிஷா அதிகாரமாக சொன்னாள் ,
உனக்கு இதே வேலையாப் போச்சு , என்று கோபப்பட்டான் மோகன் .
ஆபீஸ் போற வழி தானே கொடுத்துட்டு போனா குறைஞ்சா போவீங்க என்று பதிலுக்கு பேசினாள் நிஷா .
உன்கிட்ட பேச முடியாது
போனை வை என்று சொல்லி விட்டு டொக் என்று போனை வைத்தான் மோகன் .
நிஷா முகத்தில் அமாவாசை தெரிந்தது .
என்னாச்சு டி ..சி.எஸ். கே .டீம் மாதிரி முகத்தை தொங்க போட்டுகிட்டு இருக்க என்று வெறுப்பேத்தினாள் பவி .
கடுப்பேத்தாதடி ..அந்த மனுஷன் போனை வச்சிட்டாரு .என்று சோகமாக சொன்னாள் நிஷா .
சரி சரி விடு அன்பே இன்று நான் உன் கண்ணாடியாய் இருக்கிறேன் , என்று கிண்டலடித்த பவி ,உன் வொர்க்கை குறைச்சிக்கோ அதை நான் பண்றேன் என்றாள் .
தேங்க்ஸ் என்று சொன்ன நிஷா , பவி இன்னிக்கு 11 :00 மணிக்கு மீட்டிங் ரெடியாயிட்டியே எனக் கேட்டாள் .
ஓ ..எஸ் ..நைட் 1:00 மணி வரைக்கும் கண்விழித்து புராஜக்டை சக்ஸஸ் புல்லா முடிச்சிட்டேன் என்ற பவி அவள் கைப்பையில் எதையோ
தேடிக்கொண்டிருந்தாள் .
என்ன தேடற பவி , என்ற நிஷாவிடம் , பென்டிரைவர் தேடறேன் பா என்று தேடிக்கொண்டே பதிலளித்தாள் பவி .
பென்டிரைவர் காணோம் என்றதும் பவியிடம் பதற்றம் தொற்றிக் கொண்டது .
இப்ப என்ன பண்ணுவேன் தெரியலைப் பா ..பென்டிரைவரை வீட்லயே வச்சிட்டு வந்துட்டேன் போல ..
சாதாரணமாகவே அந்த மேனேஜர் எண்ணெய்யில் போட்ட பணியாரம் மாதிரி குதிப்பாரு ..இது முக்கியமான மீட்டிங் செத்தேன்டி நானு என்று புலம்பினாள் பவி .
சரி சரி ரிலாக்ஸ் பவி ,என்ன பண்ணலாம்னு யோசி என்றாள் நிஷா .
பவி , ரமேஷ்கு போன் பண்ணினாள் ,
போனை ஆன் பண்ணதுமே , சொல்லுடி சண்டைக்காரி , என்று ஆரம்பித்தான் ரமேஷ்
ரமேஷின் டிக்னரியே பவி தான் , சரி ரமேஷ் இப்ப நல்ல மூடுல இருக்காரு , அவரிடம் சொல்லி பென்டிரைவ் எடுத்துட்டு வரச்சொல்லலாம்னு நினைத்து பேச்சை வளர்த்தினாள் பவி ,..
என்ன சைலன்ட் என்ற ரமேஷிடம் , காலைல சாப்டீங்களா ..என்று பதற்றமுடன் கேட்டாள் பவி .
ம் நானும் என் பொண்டாட்டியும் சேர்ந்து தான் டிபன் சாப்பிட்டோம் , ..பவி என்னாச்சு ஏன் டென்ஷனா இருக்க என்று அக்கறையுடன் கேட்டான் ரமேஷ் .
நாம டக்குன்னு கேட்டு முடியாதுன்னு சொல்லிட்டா என்ன பண்றதுன்னு யோசிச்ச பவி , இன்னிக்கு என்ன கலர் ஷர்ட்ங்க என்று அமைதியாக கேட்டாள் பவி .
உன்னை பிங்க் கலர் சாரியில பார்த்தேன் , சோ நானும் பிங்க் கலர் ஷர்ட் , இன்னிக்கு வெள்ளிக்கிழமை , ஆபீஸ் முடிச்சிட்டு அப்படியே டிரைவின் போய்ட்டு தானே போவோம் , அதான் மேட்ஜிங் , மேட்ஜிங் என்று ஜாலியாக பேசினான் ரமேஷ்..
ஆமா..இல்ல மறந்தே போயிட்டேங்க ..பிங்க் கலர் உங்களுக்கு சூப்பரா இருக்கும் , என்று ரசனையுடன் கூறினாள் பவி .
என்னடி நடக்குது , ஒரு பென்டிரைவ் எடுத்துட்டு வரச்சொல்றதுக்கு போன் பண்ணிட்டு , இப்படி அன்பாயிருக்கீங்க இப்ப தான் கல்யாணமான ஜோடி மாதிரி என்று பொறாமையில் பொசுங்கிக் கொண்டே சொன்னாள் நிஷா .
நிஷா பேசுவதைக் காதில் வாங்காமல் பவி பேசிக்கொண்டிருந்தாள் .
புளு கலர் ஜீன் தானே போட்டிருக்கீங்க என்ற பவிக்கு நீ தானே செட்டா எடுத்து அடுக்கி வச்சிருக்க ..
என்ன ஆச்சி பவி , ஏதோ சொல்ல நினைக்கற ஆனா தயங்கறயே என்னதான் ஆச்சி உனக்கு என்று அன்பாக கேட்டான் ரமேஷ் ..
ஒன்னும் இல்லீங்க என் பென் டிரைவ் வீட்டிலேயே வைத்து விட்டேன் , கொஞ்சம் எடுத்துட்டு வந்து தர முடியுமா ..என்று மிகவும் கெஞ்சலாக கேட்டாள் பவி .
சாரி டா,..செல்லம் .ஆல் மோஸ்ட் நான் என் ஆபீஸ் கேட் உள்ளே நுழைஞ்சிட்டிருக்கேன் ..
ஒகே ..டேக் ..கேர் .பை..பை..என்று இணைப்பைத் துண்டித்தான் ரமேஷ் ..
என்ன செய்றதுன்னு தெரியாம அமைதியாக கண்களை மூடி யோசித்தாள் பவி .
பவியை இப்படி பார்த்ததும் நிஷாவுக்கு கவலையானது
என்ன பண்ண போற பவி இன்னும் 1 மணி நேரம் தான் இருக்கு ..
என்று வருந்தினாள் நிஷா .
அந்த தெர்மாமீட்டர் ( மேனேஜர் ) வேற வந்திடுவார் , .டெம்பரேஜர் ஏத்தறதுக்கு , திட்டியே சுரம் வர வச்சிடுவார் ,..என பயந்த பவி , ஏதோ முடிவுக்கு வந்தவளாய் ,
நிஷா பக்கத்துல தான் என் நாத்தனார்வீடு அவங்களுக்கு போன் பண்ணி கால் டாக்ஸி பிடிச்சி எடுத்துட்டு வரச்சொல்லப் போறேன் என்று சொல்லி விட்டு போனை எடுப்பதற்குள் ,
இன்டர்காமில் ரிசப்ஷனிஸ்ட் சிணுங்கினாள் , ..
மேம் உங்களைப் பார்ப்பதற்கு ரிசப்ஷனில் ஒருத்தர் வெயிட் பண்றாரு வரமுடியுமா என்று கேட்டாள் ,..ரிசப்ஷனிஸ்டு.
என்னைப் பார்க்கவா , பேர் எதுவும் சொன்னாரு என்று கேட்ட பவிக்கு இல்லை என்பதே பதிலாக வந்தது .
நிஷா , நீயும் வாயேன் என்று அழைத்துக்கொண்டு ரிசப்ஷன் வந்தாள் பவி .
அங்கு ரமேஷ் ஸ்டைலாக அமர்ந்திருந்தான் , அவனைப் பார்த்ததும் ரிசஷனிஸ்டை முறைத்தாள் பவி , இவரை உனக்கு தெரியாதா என்ற அர்த்தத்தில் ,.
மேம் ,அவரு தான் அப்படி பேச சொன்னார் என்றாள் ரிசப்ஷனிஸ்ட்
ரமேஷிடம் திரும்பிய பவி என்னாச்சுங்க , .என்றாள் பதற்றத்துடன் ,
அதான் பென்டிரைவ் தான் எடுத்துவந்து தரமுடியாதுன்னு சொன்னீங்களே ஜி அப்புறம் ஏன் வந்தீங்க ..என்று கடுகடுத்தாள் நிஷா .
ஏய் ..சோடாபுட்டி என் பவியை நான் எப்ப வேணாலும் வந்து பார்ப்பேன் உனக்கென்ன வந்ததுன்னு சிரிச்சிகிட்டே கேட்டான் ரமேஷ் ;.
அத்துடன் நிஷாவின் வாய் பேஸ்ட் ஆனது ,..
பவி , டென்ஷன் ஆகாத இந்த மீட்டிங் சக்ஸஸா முடிப்ப என்று சொல்லிக்கொண்டே , பவியின் கைகளுடன் தன் கைகளைக் கோர்த்தான் ,
ம் சரிங்க என்று சுரத்தில்லாமல் சொன்னாள் பவி .
சண்டைக்காரி போய்வரேன் டி , ஈவினிங் வெளில போலாம்னு சொல்லிட்டு , ஸ்டைலா அந்த படிகளில் இறங்குவதையே ரசித்துக் கொண்டிருந்தாள் பவி .
எத்தனை பாரதியார் வந்தாலும் உங்களை மாத்த முடியாதுடி என்று கோபப்பட்ட , நிஷாவின் முகத்தருகே பென்டிரைவ்வை நீட்டினாள் பவி .
இது எப்படி நானும் தானே பக்கத்திலேயே நிக்கறேன் …என்று வாய்க்குள் காற்றாடி விட்டாள் நிஷா .
கைகள் கோர்க்கும் போதே ..என வெட்கப்பட்டாள் பவி .
ஆணின் அன்பு கண்ணாடி மாதிரி , நிறைய பேருக்கு இது புரியறதில்லை என்று நினைத்துக் கொண்டு கேபினுக்குள் நுழைந்தாள் பவி.
